დონალდ ტრამპმა საპრეზიდენტო ფიცი დადო და აშშ-ის 47-ე პრეზიდენტი გახდა, "საღი აზრის რევოლუციის" დაპირებით. ტრამპი - რომელმაც დაძლია საიმპიჩმენტო პროცესები, სისხლის სამართლის საქმეები და მასზე თავდასხმის მცდელობები - ინაუგურაციის ცერემონიის შემდეგ სწრაფად იმოქმედებს. ხელმოწერისთვის უკვე მზადაა აღმასრულებელი ბრძანებები, რომლებიც ეხება სასაზღვრო პოლიტიკის გამკაცრებას, წიაღისეული საწვავის განვითარების გაღრმავებას და მრავალფეროვნებისა და ინკლუზიის პროგრამების შეზღუდვას ფედერალური ხელისუფლების მასშტაბით. три ტრამპის განცხადებით, ხელისუფლებას "ნდობის კრიზისი" აქვს. "ჩვენ დავიბრუნებთ სუვერენიტეტს. დავიბრუნებთ უსაფრთხოებას. სამართლის სასწორი ხელახლა დაბალანსდება", - თქვა ტრამპმა საინაუგურაციო გამოსვლაში. მან ასევე პირობა დადო, რომ "დაამარცხებს სარეკორდო ინფლაციას". რვა წლის წინ, პირველი ვადით გაპრეზიდენტებისას, ტრამპმა ილაპარაკა "ამერიკულ ნგრევაზე" და გამოვიდა პირობით, რომ ამას მყისიერად დაასრულებდა. მეორე ვადის წინ, 20 იანვარს, მან გამოაცხადა, რომ ქვეყნის "დაღმასვლა" დასრულდება და დაიწყება "ოქროს ხანა ამერიკისთვის". "ჩემი ახლახან არჩევა არის მანდატი, რათა სრულად და ტოტალურად შებრუნდეს საშინელი ღალატი და ის ბევრი ღალატი, რომლებიც მომხდარია, და ხალხს დაუბრუნდეს თავისი რწმენა, თავისი სიმდიდრე, თავისი დემოკრატია და დიახ, თავისი თავისუფლება. ამ მომენტიდან ამერიკის დაღმასვლა დასრულებულია", - დასძინა ტრამპმა. ტრამპის ინაუგურაციის ცერემონია ვაშინგტონში, კაპიტოლიუმის შენობის როტონდაში გაიმართა. გამოცემა New York Times-ი პარალელს ავლებს ტრამპის პირველ საინაუგურაციო სიტყვასთან და აღნიშნავს, რომ როგორც მაშინ, ტრამპმა ამ ჯერზეც დახატა სურათი დაჩოქებული ამერიკისა, რომლის აღორძინებაც მხოლოდ მას შეუძლია. გამოცემა აღნიშნავს, რომ ტრამპმა დიდწილად უგულებელყო მასშტაბური თემები და გამაერთიანებელი საკითხები - რომლებსაც პრეზიდენტთა უმრავლესობა უპირატესობას ანიჭებს ხოლმე საინაუგურაციო სიტყვაში - და ილაპარაკა პოლიტიკაზე, რომელიც საზოგადოებაში ხშირად უთანხმოებას აღძრავს. ტრამპი გამოვიდა პირობით, რომ დაუყოვნებლივ გამოაცხადებს საგანგებო მდგომარეობას საზღვარზე და მის დასაცავად არმიას გაგზავნის. ტრამპმა თქვა, რომ დაასრულებს სამთავრობო პროგრამებს, რომლებიც ხელს უწყობს მრავალფეროვნებას და ინკლუზიურობას. ტრამპმა ასევე განაცხადა, რომ მექსიკის ყურეს დაერქმევა ამერიკის ყურე და გამოვიდა დაპირებით, რომ მოიპოვებს პანამის არხს. ცერემონიის შემდეგ ტრამპმა თავის მხარდამჭერებს მიმართა კაპიტოლიუმის ერთ-ერთ დარბაზში და ახსენა თემები, რომლებიც საინაუგურაციო სიტყვაში ჩართული არ ყოფილა - მათ შორის თავისი იმ მომხრეების საკითხი, რომლ...