უწყება აცხადებს, რომ დაკავებულია ორი პირი, რომლებმაც უცხო ქვეყნის მოქალაქეს ცეცხლნასროლი ჭრილობა მიაყენეს, უკანონოდ აღუკვეთეს თავისუფლება და "დანაშაულის დაფარვის მიზნით", ცხედარი მოგვიანებით მდინარეში გადააგდეს. "გამოძიებით დადგინდა, რომ მიმდინარე წლის 5 იანვარს, ბრალდებულებმა ზუგდიდიდან მესტიაში მიმავალი უცხო ქვეყნის ორი მოქალაქე დააყაჩაღეს, გასტაცეს მობილური ტელეფონები და ერთ-ერთ მათგანს, 1986 წელს დაბადებულ ვ.ს.-ს მიაყენეს ცეცხლნასროლი ჭრილობა და უკანონოდ აღუკვეთეს თავისუფლება. ბრალდებულებმა დანაშაულის დაფარვის მიზნით, ცხედარი მოგვიანებით მდინარეში გადააგდეს და მიიმალნენ", - წერია შსს-ს განცხადებაში. შინაგან საქმეთა სამინისტრომ საქმეზე გამოძიება დაიწყო ჯგუფურად ჩადენილი ყაჩაღობის, დამამძიმებელ გარემოებაში განზრახ მკვლელობის მცდელობისა და ცეცხლსასროლი იარაღის უკანონო შეძენა-შენახვა-ტარების [სისხლის სამართლის კოდექსის 179-ე, 19-109-ე და 236-ე] მუხლებით. დანაშაული 16 დან 20 წლამდე ან უვადო თავისუფლების აღკვეთას ითვალისწინებს. ასევე ნახეთ გაუჩინარებული კაცის პარტნიორი ქალი ჰყვება, რა შეემთხვათ სოფელ ნაკრასთან გაუჩინარებული კაცის პარტნიორი ქალი სოციალურ ქსელში ჰყვება, რომ ორი შეიარაღებული ადამიანი პისტოლეტის მუქარით მათ მას შემდეგ დაესხა თავს, რაც მანამდე გზა გადაუღობეს. არსებული ინფორმაციით, წყვილი მესტიის მუნიციპალიტეტში მწვერვალ თეთნულდისკენ მიდიოდა. გზად გაუთოვდათ, ავტომობილი გააჩერეს გვირაბთან და ფოტოების გადაღება დაიწყეს. ამ დროს პირველად შენიშნეს "სუბარუს" მარკის თეთრი ავტომობილი, რომელში მსხდომებმაც ჰკითხეს, დახმარება ხომ არ სჭირდებოდათ, რაზეც მიუგეს, რომ - არა, "მხოლოდ ფოტოებს ვიღებთო". ამის შემდეგ გზად კიდევ შეხვდათ იგივე ავტომობილი, რომელიც ხან გადაუსწრებდა მათ, ხან ჩამორჩებოდა. "გზად შეგვხვდა გაჭედილი ავტომობილი, ვიტიამ ის თოკით ამოათრია. ამ დროს თეთრმა Subaru-მ ჩაგვიარა და არ გაჩერებულა. როცა ვიტიამ შორიდან შეამჩნია, რომ შუა გზაზე იდგნენ, მანქანის სათავსოდან დანის მიწოდება მთხოვა. გაჩერდა, გადავიდა და ჰკითხა, რა მოხდა. მათ ნასოსი სთხოვეს, ამოიღო და მისცა, ამის შემდეგ დაიწყო რაღაც კონფლიქტი". ალინას სიტყვებით, გარკვეული დროის შემდეგ ორი გასროლის ხმა გაიგონა - "ვერ ვხედავდი საით და ვიქტორიც არ დამინახავს". "ეს ამბავი შეგვემთხვა მე და ჩემს თანამგზავრ ვიქტორს. ჩვენ გვქონდა სამი ტელეფონი, ორი ვიტიას და ერთი - მე. მისი ტელეფონები გამოსაჩენ ადგილას იყო და მაშინვე წაიღეს, ჩემი დავმალე და ჩემთან ძებნა აღარ დაუწყიათ, მხოლოდ პისტოლებით მემუქრებოდნენ, რომ ტელეფონი მიმეცა. პრეტენზიის არსი მათ შორის საუბრიდან მესმოდა, „რატომ იდექით გვირაბში და ფოტოებს რატომ გვიღებდითო“. ვიქტო...