თავდაპირველად, 2024 წლის 6 დეკემბერს, „ქართული ოცნების“ დელეგაცია კონფერენციაზე მიიწვიეს პოლონეთის სენატისა და სეიმის - პარლამენტის ქვედა და ზედა პალატების - ევროკავშირთან ურთიერთობების კომიტეტების თავმჯდომარეებმა, აგნიეშკა პომასკამ და ტომაშ გროდსკიმ. თუმცა 2024 წლის 23 დეკემბერს მათ გადაწყვეტილება შეცვალეს, ღონისძიებაზე მიწვევა გააუქმეს და განაცხადეს: „საქართველოს ხელისუფლების წარმომადგენლებმა ევროკავშირთან მოლაპარაკებების შეწყვეტა გადაწყვიტეს. საქართველოს ქუჩებში დემოკრატიისთვის მებრძოლი ადამიანების მდგომარეობა უარესდება. ჩვენ ვდგავართ მათ მხარეს, ვინც იცავს დემოკრატიას, თავისუფლებასა და ადამიანის უფლებებს“. три მიწვევის გაუქმება სეიმისა და სენატის წარმომადგენლებმა „ქართული ოცნებისთვის“ გაგზავნილ წერილში გაიხსენეს ევროპარლამენტის 2024 წლის 28 ნოემბრის რეზოლუცია, რომელიც, პოლონელი პარლამენტარების სიტყვებით, ევროკავშირს მოუწოდებს, „მკაცრად მოახდინოს საქართველოს ხელისუფლებასთან და პარლამენტთან მაღალი რანგის კონტაქტების ლიმიტირება“ და განაცხადეს: „დარწმუნებულნი ვართ, რომ საქართველოს პარლამენტის წარმომადგენლებმა არ უნდა მიიღონ მონაწილეობა COSAC-ის თავმჯდომარეთა კონფერენციაში, რომელიც 2025 წლის 26-27 იანვარს ვარშავაშია დაგეგმილი“. „ჩვენი გზავნილი მკაფიოა: ჩვენ არ ვეთანხმებით ამ ღირებულებების [დემოკრატიის, თავისუფლების, ადამიანის უფლებების] დარღვევას. და ჩვენ დარწმუნებულნი ვართ, რომ საქართველო იმსახურებს ადგილს ჩვენს ევროპულ საზოგადოებაში“, - განაცხადეს პომასკამ და გროდსკიმ. „ოცნების“ პასუხი 2025 წლის 6 იანვარს „ქართული ოცნების“ პარლამენტის ევროპასთან ინტეგრაციის კომიტეტის თავმჯდომარე ლევან მახაშვილმა დაგმო პოლონელი პარლამენტარების გადაწყვეტილება. მან გამოაქვეყნა მათდამი 6 იანვარსვე გაგზავნილი წერილი, რომელშიც წერს: „გამოვხატავ ჩემს ღრმა შეშფოთებას ამ გადაწყვეტილების გამო, რადგან ის ძირს უთხრის დიალოგისა და თანამშრომლობის სულისკვეთებას - ევროკავშირის ფუნდამენტურ პრინციპებს“. ამ წერილში მახაშვილი იმეორებს „ქართული ოცნების“ მტკიცებას და წერს, რომ „საქართველო, როგორც ევროკავშირის წევრობის კანდიდატი ქვეყანა, რჩება კანონის უზენაესობის, საზოგადოებრივი წესრიგის უზრუნველყოფის და მოქალაქეთა კონსტიტუციური უფლებების დაცვის ერთგული“. три ლევან მახაშვილი წერს იმასაც, რომ ამ გადაწყვეტილებამ შესაძლოა „ძირი გამოუთხაროს პოლონეთის გეოპოლიტიკურ ლიდერობას“ და „უარყოფითი გავლენა მოახდინოს აღმოსავლეთ პარტნიორობაზე“. „შეშფოთებით მივიღე თქვენი წერილი, ვინაიდან თქვენი გადაწყვეტილება რისკის ქვეშ აყენებს კონსტრუქციულ დიალოგს და უფრო მეტად ამწვავებს არსებულ სიტუაციას, ასევე, უარყოფითად მოქმედებს თავმჯდომარე ქვეყნის - პოლონეთის - ავტორიტეტზე, სანდოობასა და ლიდერობაზე“, - წერს ლევან მა...