ერთ-ერთი პირველი, ვინც 4 იანვრის დილით პატრიარქს 92 წლის იუბილე მიულოცა, ირაკლი კობახიძე იყო. "თქვენი ბრძნული წინამძღოლობა, სულიერი ძალითა და სიყვარულით განმსჭვალული მოღვაწეობა იქცა იმ სინათლედ, რომელმაც ჩვენი ხალხი ურთულეს, გამოწვევებით აღსავსე ათწლეულებში გამოატარა", - ნათქვამია კობახიძის მილოცვაში. კათალიკოს პატრიარქის დაბადების დღესთან დაკავშირებით ერთობლივი განცხადება გაავრცელეს "ქართული ოცნების" საპატიო თავმჯდომარემ, ბიძინა ივანიშვილმა და მისმა ცოლმა, ეკატერინე ხვედელიძემ. "განუზომელია მისი უწმინდესობის ღვაწლი ქართული საზოგადოების სულიერი სიმტკიცის შენარჩუნებისა და განმტკიცების საქმეში. ფასდაუდებელია მისი შრომა და თავდადება – აღსაყდრებიდან 47-ე წელია, რაც ჩვენი პატრიარქი ქართველი ერის ერთობის, თვითმყოფადობისა და ღირებულებების სადარაჯოზე დგას," - აღნიშნული იყო მათ მილოცვაში. დილით თავისი ფეისბუკის გვერდზე საჯარო მილოცვა გაავრცელა მიხეილ ყაველაშვილმაც, რომელიც, ივანიშვილების მსგავსად, პატრიარქის "ღვაწლს" გაუსვა ხაზი: "თქვენო უწმინდესობავ, ფასდაუდებელია თქვენი ღვაწლი მართლმადიდებელი ეკლესიის და ქართული სახელმწიფოებრიობის განმტკიცებასა და აღორძინებაში". три ყაველაშვილმა მილოცვას თან დაურთო სურათი, რომელიც მისი სადავო ინაუგურაციიდან მეორე დღეს, საპატრიარქოში ვიზიტისას გადაიღო ილია მეორესთან. "თქვენი ბრძნული წინამძღოლობა, სულიერი ძალითა და სიყვარულით განმსჭვალული მოღვაწეობა იქცა იმ სინათლედ, რომელმაც ჩვენი ხალხი ურთულეს, გამოწვევებით აღსავსე ათწლეულებში გამოატარა", - დასძენდა ყაველაშვილი. მოგვიანებით მილოცვა სალომე ზურაბიშვილმაც გაავრცელა. ფეისბუკის პოსტს, ყაველაშვილის მსგავსად, ზურაბიშვილმაც პატრიარქთან გადაღებული ფოტო დაურთო და დაწერა: "თქვენო უწმინდესობავ გილოცავთ 92 წლის იუბილეს! თქვენ ხართ ჩვენი და ჩვენი ქვეყნის გამაერთიანებელი, სულიერი წინამძღვარი, მჯერა, რომ თქვენი ლოცვა-კურთხევით, ძალით და მადლით გაიმარჯვებს ერთობა, სიყვარული და სიკეთე!". три "გალობაც შეუძლია" იუბილეზე ილია მეორემ საპატრიარქოში სტუმრებს უმასპინძლა. ერთ-ერთმა მათგანმა, ახალქალაქის, კუმურდოსა და კარის მიტროპოლიტმა, ნიკოლოზ ფაჩუაშვილმა, საპატრიარქოში შესვლისას მედიასთანაც ილაპარაკა. მიტროპოლიტმა პატრიარქის ჯანმრთელობის მდგომარეობაზე დასმულ შეკითხვას უპასუხა და თქვა: „რეგენტმა ორში საღამოს რომ მივედიო, რამდენიმე საათი არ გამომიშვა, ერთად ვიგალობეთო. საუბარი შეუძლია, გალობაც შეუძლია. ჩვენ ვიგალობეთ ერთად". წინა დღეს საპატრიარქოს საზოგადოებასთან ურთიერთობის სამსახურმა დაადასტურა, რომ პატრიარქის საახალწლო მილოცვის ვიდეო დამონტაჟებული იყო და წაშალა. ვიდეო პირველ იანვარს გამოქვეყნდა ფეისბუკის გვერდზე -...