საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე ეხმაურება მართლმადიდებელი ეკლესიის პატრიარქის, ილია II-ის საახალწლო მილოცვის ვიდეოს, რაც არაერთი კომენტატორის თანახმად, დამონტაჟებული იყო, და აცხადებს: „რადგან ასეთი სახის დამოტაჟებული იყო, ვიდეო არ დევს ჩვენი სამსახურის გვერდზე“. ვიდეო აღარ იძებნება ფეისბუკზე გვერდზე - „საქართველოს საპატრიარქოს საზოგადოებასთან ურთიერთობის სამსახური“, - სადაც ის პირველ იანვარს გამოქვეყნდა.три მოგვიანებით ვიდეო გაავრცელა ტელეკომპანია „იმედმაც“; ასევე, არაერთმა ფეისბუკგვერდმა თუ მედიასაშუალებამ. რამდენიმე საათში თეოლოგმა ზვიად ცაბაძემ განაცხადა, რომ ვიდეო დამონტაჟებული იყო და შეიცავდა კადრებს პატრიარქის წინა წლების საახალწლო მილოცვის ვიდეოებიდან. три კერძოდ, ცაბაძის თქმით, ახლად გამოქვეყნებულ ვიდეოში პირველი ხუთი კადრი იყო 2024 წლის, მომდევნო ოთხი - 2023 წლის, ხოლო ბოლო ერთი კადრი - 2022 წლის მილოცვის ვიდეოებიდან. три თეოლოგი ზვიად ცაბაძე წერს, რომ პატრიარქის ექიმმა უნდა უპასუხოს საზოგადოების შეკითხვებს, „როდის წაერთვა პატრიარქს მეტყველების უნარი, რატომ მალავენ ამ ფაქტს და როგორია მისი ჯანმრთელობის მდგომარეობა ახლა“. „მილოცვის „ფეიკ“ ვიდეომ აჩვენა, რომ პატრიარქი უუნაროა მეტყველების მხრივ და საინტერესოა, ვინ წერს მისი სახელით გამოქვეყნებულ მისალოც წერილებს“, - დაწერა ცაბაძემ. 3 იანვარს ტელეკომპანია „პირველთან“ საუბარში პატრიარქის ექიმმა თქვა: „პატრიარქის მდგომარეობა სტაბილურია, იმყოფება ექიმების მეთვალყურეობის ქვეშ. ნორმალურად. ნახეთ ჩანაწერი, გიორგობას, ნათლობა რომ ჩატარდა, რამდენი ხანი და როგორ იქადაგა, ისაუბრა“.три ...