31 დეკემბერს „გაზპრომმა“ დაიწყო უკრაინის გავლით ევროპაში გაზის მიწოდების მოცულობის შემცირება. ამის შესახებ Reuters-ი იუწყება რუსული კონცერნის განცხადებაზე დაყრდნობით. შემცირება მოხდა უკრაინის გავლით გაზის ტრანზიტის შესახებ შეთანხმების ვადის ამოწურვამდე ერთი დღით ადრე. თუ ახალი შეთანხმება არ დაიდება, 1 იანვრიდან გაზის მიწოდება მთლიანად შეწყდება. კიევმა მანამდე უარი თქვა სატრანზიტო ხელშეკრულების გახანგრძლივების შესახებ მოლაპარაკებებზე. რუსეთის პრეზიდენტმა ვლადიმირ პუტინმა განაცხადა, რომ 2025 წლის დასაწყისამდე ახალი ხელშეკრულების დადება შეუძლებელია. რუსული გაზის ძირითად ევროპელ იმპორტიორებს, როგორიცაა სლოვაკეთი და ავსტრია, უკვე უზრუნველყოფილი აქვთ ალტერნატიული მიწოდება. უკრაინის გავლით ტრანზიტის შეჩერება, ანალიტიკოსების აზრით, ყველაზე დიდ დარტყმას მიაყენებს კიშინიოვს, მაგრამ საერთო გავლენა გაზის ბაზარზე მინიმალური იქნება. ამასთან, მიწოდების შეწყვეტას დიდი გეოპოლიტიკური მნიშვნელობა აქვს, აღნიშნავს Reuters-ი. 2022 წლიდან ევროკავშირის ქვეყნები აქტიურად ამცირებენ დამოკიდებულებას რუსეთის გაზზე, გადადიან იმპორტზე აშშ-იდან, ნორვეგიიდან და კატარიდან. ამან გამოიწვია ის, რომ რუსეთმა დაკარგა დომინანტური პოზიცია გაზის ევროპულ ბაზარზე. ასევე ნახეთ "გაზპრომბანკის" სანქცირება - პრობლემა რუსეთის მთელი ეკონომიკისთვის ...