„ძალადობისა და რეპრესიების ახალი ტალღა დე ფაქტო პრეზიდენტის დე ფაქტო ინაუგურაციის აღსანიშნავად“. „მან ახლახან მოაწერა ხელი ახალ კანონებს, რომლებიც ზღუდავს შეკრების თავისუფლებას და [„ქართულ ოცნებას"] საჯარო სამსახურებში „წმენდის“ უფლებას აძლევს“, - წერს სალომე ზურაბიშვილი პლატფორმა X-ზე. три მიხეილ ყაველაშვილმა ინაუგურაციის დღესვე მოაწერა ხელი კანონებს, რომლებიც პარლამენტმა, - რომლის ლეგიტიმურობასაც სალომე ზურაბიშვილი და ოპოზიციური პარტიები არ აღიარებენ, - 13 დეკემბერს მესამე მოსმენით მიიღო. საქართველოს "საკანონმდებლო მაცნეში" 2024 წლის 29 დეკემბერს გამოქვეყნდა რიგი კანონებისა, რომლებიც პარლამენტმა 13 დეკემბერს მიიღო და რომლებსაც ადამიანის უფლებათა დამცველები უწოდებენ „რეპრესიულს“, „შემზღუდავს“, „სადამსჯელოსა“ და „არადემოკრატიულს“. იმ კანონებს შორის, რომლებსაც მიხეილ ყაველაშვილმა ხელი მოაწერა, არის: ცვლილებები საჯარო სამსახურის შესახებ კანონში - ამით, უფლებადამცველების თქმით, პოლიტიკური ნიშნით დასაქმებულთა გათავისუფლება მარტივდება. ცვლილებები ადმინისტრაციულ სამართალდარღვევათა კოდექსში - ითვალისწინებს აქციებზე სახის დაფარვისა და პიროტექნიკის აკრძალვას და სხვა ნორმების შეზღუდვას; ცვლილებები სისხლის სამართლის კოდექსში პიროტექნიკის ნაწარმის შენახვა-გამოყენების შესახებ; ასევე ცვლილება პროდუქტის უსაფრთხოების კანონში, რომელიც ასევე პიროტექნიკას ეხება; შეკრებისა და მანიფესტაციის კანონში ცვლილება - სახის დაფარვის და პიროტექნიკის სროლის შესახებ; პოლიციის კანონი - ცვლილება შსს-ში მუშაობის დაწყებას ამარტივებს გარკვეული კატეგორიის თანამშრომელთათვის; ცვლილებები სახელმწიფო დაცვის კანონში, - რის საფუძველზეც სალომე ზურაბიშვილს სახელმწიფო დაცვა აღარ ეყოლება; ცვლილებები საარჩევნო კოდექსში - რის საფუძველზეც მუნიციპალიტეტებში მაჟორიტარული ელემენტის წილი იზრდება. ასევე ნახეთ ყაველაშვილმა ინაუგურაციის დღესვე მოაწერა ხელი კანონებს, რომლებსაც უფლებადამცველები რეპრესიულად მიიჩნევენ ...