„მივესალმები სალომე ზურაბიშვილს სასიცოცხლოდ აუცილებელი ლიდერობისა და საქართველოს ევროპული კურსისადმი ურყევი ერთგულების გამო“, - დაწერა ნიდერლანდების საგარეო საქმეთა მინისტრი კასპარ ველდკამპმა 29 დეკემბერს, - მიხეილ ყაველაშვილის მეექვსე პრეზიდენტად ინაუგურაციის შემდეგ, - პლატფორმა X-ზე. „უკვე ერთი თვეა, ქართველი ხალხი ქუჩებში მშვიდობიანად იცავს თავის დემოკრატიულ და ევროპულ მომავალს, - ძალადობისა და დაშინების მიუხედავად. შეუძლებელია, მთავრობამ მათი მოთხოვნა არ გაითვალისწინოს“, - წერს იგი. ნიდერლანდების საგარეო მინისტრი ასევე წერს, რომ ეუთოს დემოკრატიული ინსტიტუტებისა და ადამიანის უფლებათა ოფისმა (ODIHR-მა) „დაადასატურა სერიოზული საარჩევნო დარღვევები და სავარაუდო გაყალბების გამოძიების არარსებობა“. „უკვე დიდი ხანია, დადგა დრო, საქართველოს ხელისუფლებამ აღადგინოს საზოგადოების ნდობა, განახორციელოს ეუთოს რეკომენდაციები და ამ რეკომენდაციებზე დაყრდნობით განიხილოს შესაძლო ახალი არჩევნები“, - აცხადებს კასპარ ველდკამპი. три რამდენიმე საათით ადრე, ნორდიკულ-ბალტიური რვიანის წევრებმა საერთო განცხადება გაავრცელეს, შეშფოთება გამოხატეს საქართველოში შექმნილი ვითარების გამო და ხელისუფლებას მოუწოდეს, განიხილოს ახალი საპარლამენტო არჩევნების დანიშვნის შესაძლებლობა. ბალტიისა და ნორდიკული სახელმწიფოები მოუწოდებენ საქართველოს ხელისუფლებას, „დაუყოვნებლივ გადადგას ნაბიჯები ამ მიმართულებით, მათ შორის ეუთოს საარჩევნო რეკომენდაციების განხორციელებით და ამ რეკომენდაციების საფუძველზე ახალი არჩევნების შესაძლებლობის განხილვით“. ასევე ნახეთ განიხილეთ ახალი არჩევნების შესაძლებლობა - ნორდიკულ-ბალტიური რვიანი „ქართულ ოცნებას“ უკვე 32 დღეა, დემონსტრანტები დედაქალაქსა და რეგიონებში აპროტესტებენ „ქართულ ოცნებაში“ მიღებულ გადაწყვეტილებას, რომლის მიხედვითაც, საქართველო 2028 წლის ბოლომდე დღის წესრიგში არ დააყენებს ევროკავშირში გასაწევრიანებლად მოლაპარაკების გახსნის საკითხს. ...