რუსეთის სახელმწიფო ენერგოკომპანია გაზპრომმა 28 დეკემბერს გამოაცხადა, რომ წლის ბოლოს გაზის მიწოდებას შეუწყვეტს მოლდოვას, დავალიანების შესახებ უთანხმოების გამო. მოლდოვის პრემიერ-მინისტრმა, დორინ რეჩანმა დაგმო გაზპრომის გადაწყვეტილება, მას უწოდა "ჩაგვრის ტაქტიკა", რომლის დროსაც რუსეთი "ენერგეტიკას იყენებს პოლიტიკურ იარაღად" - და დასძინა, რომ ამ გადაწყვეტილებასთან საბრძოლველად მიმართავს საერთაშორისო იურიდიულ საშუალებებს. კომპანია მოლდოვაგაზის ხელმძღვანელის თქმით, უკვე 2022 წლის დეკემბრისთვის გაზპრომის მიერ მიწოდებული გაზის მთელი მოცულობა მიემართებოდა მოსკოვის მიერ მხარდაჭერილ სეპარატისტულ რეგიონს, დნესტრისპირეთს, რომელიც მდინარე დნესტრის მარცხენა სანაპიროზე მდებარეობს. ასევე ნახეთ მოლდოვა საგანგებო მდგომარეობას აცხადებს მოსალოდნელი ენერგოკრიზისის გამო ...