„ახლახან ტელეფონით ვესაუბრე საქართველოს პრეზიდენტ სალომე ზურაბიშვილს“, - დაწერა ნაუსედამ 27 დეკემბერს და დასძინა, რომ გამოხატა „სიღრმისეული შეშფოთება საქართველოს დემოკრატიული უკუსვლის გამო“. „საქართველო ბელარუსის სცენარის განმეორების რისკის წინაშე დგას“, - წერს ის პლატფორმა X-ზე. „ლიეტუვა ძლიერად უჭერს მხარს ევროპარლამენტის რეზოლუციას საქართველოში დემოკრატიული არჩევნების ჩატარების შესახებ“, - აცხადებს ის. ევროპარლამენტმა 28 ნოემბერს მხარი დაუჭირა რეზოლუციას, რომელიც 26 ოქტომბრის საპარლამენტო არჩევნებს გაყალბებულს უწოდებს, არ აღიარებს მის შედეგებს და მოითხოვს „ქართული ოცნების“ ლიდერებისათვის სანქციების დაწესებას. три გიტანას ნაუსედას განცხადებითვე, „ლიეტუვა მტკიცედ დგას ქართველი ხალხის გვერდით ევროკავშირის გზაზე. ევროკავშირში გაწევრიანების მოლაპარაკებების შეჩერება ეწინააღმდეგება მათ ნებას და რუსეთს აძლევს ხელს“. ასევე ნახეთ "გაყალბებული არჩევნები" და სანქციები "ოცნების" ლიდერებს - ევროპარლამენტმა მიიღო რეზოლუცია საქართველოზე ასევე ნახეთ ზურაბიშვილის თქმით, 29 დეკემბრამდე არ იტყვის, რას გეგმავს ყაველაშვილის „არალეგიტიმური ინაუგურაციის“ შემდეგ ლიეტუვის საგარეო საქმეთა სამინისტრომ 15 დეკემბერს სანქციები დაუწესა საქართველოს მაღალი თანამდებობისა და „ქართულ ოცნებასთან“ დაახლოებულ 17 ადამიანს. ესენი არიან: ირაკლი კობახიძე - „ქართული ოცნების“ მთავრობის პრემიერ-მინისტრი; გრიგოლ ლილუაშვილი - სახელმწიფო უსაფრთხოების სამსახურის უფროსი; კახა კალაძე - თბილისის მერი; მიხეილ ჩინჩალაძე - მოსამართლე, თბილისის სააპელაციო სასამართლოს თავმჯდომარე; მამუკა მდინარაძე - „ქართული ოცნების“ აღმასრულებელი მდივანი; ოთარ რომანოვ-ფარცხალაძე (ფარცხალაძე) - ყოფილი მთავარი პროკურორი, სანქცირებული აშშ-ის მიერ; ირაკლი რუხაძე - „იმედისა“ და „ლიბერთი ბანკის“ მფლობელი; ლევან მურუსიძე - სააპელაციო სასამართლოს მოსამართლე, იუსტიციის უმაღლესი საბჭოს წევრი; ვიქტორ ჯაფარიძე - „ხალხის ძალის“ წევრი, პარლამენტარი; გიორგი (გია) კობახიძე - ირაკლი კობახიძის მამა. მოხსენიებულია, როგორც პრორუსული პარტიის ყოფილი წევრი და ბიძინა ივანიშვილის ნდობით აღჭურვილი ერთ-ერთი პირი; დიტო სამხარაძე - პარლამენტარი „ქართული ოცნებიდან“; გოგა ხაინდრავა - ის მოხსენიებულია, როგორც „საქართველოს პოლიტიკური და საზოგადო მოღვაწე“, "სტუდია „ლე ხაინდრაოს“ დამფუძნებელი და ბიძინა ივანიშვილის ერთ-ერთი პოლიტიკური იდეოლოგი“. ზვიად შალამბერიძე - პრემიერის ყოფილი რწმუნებული იმერეთში; სიაში დასახელებულია, როგორც „პასუხისმგებელი პირი იმერეთის რეგიონში ივანიშვილის ოპონენტების ნეიტრალიზაციაზე“; შალვა თადუმაძე - მოსამართლე, ბიძინა ივანიშვილის ყოფილი ადვოკატი; თეა წულუკიანი - პარლამე...