2024 წლის 27 დეკემბერს თბილისის საქალაქო სასამართლომ ჯაფარიძე სამართალდამრღვევად ცნო 2 დეკემბრის ინციდენტზე - პოლიციის მიერ რუსთაველის გამზირზე მიმდინარე საპროტესტო დემონსტრაციის დაშლის შემდეგ, ჯაფარიძე თამარაშვილის გამზირზე დააკავეს. მას პოლიცია ედავებოდა „კანონიერი მოთხოვნისადმი დაუმორჩილებლობას“ და გზის უკანონო გადაკეტვას. три три გარდა ამისა, შსს-ში აცხადებდნენ, რომ ჯაფარიძე აქციაზე იარაღით იმყოფებოდა და უწყება მისთვის იარაღის ტარების უფლების ჩამორთმევას ითხოვდა. ჯაფარიძემ 20 დეკემბერს სასამართლო სხდომაზე თქვა, რომ იარაღის ტარების უფლება წლებია, აქვს: „იარაღი ჩემი ცხოვრების განუყოფელი ნაწილია, ვიცი როდის და როგორ გამოვიყენო. მიუხედავად იმისა, რომ ორჯერ გამოვიყენე, არავინ დაშავებულა. იარაღის ტარების უფლების შეზღუდვა იმას ნიშნავს, რომ ამის დარღვევა მომიწევს, რადგან ოჯახის და თავის დაცვა მომიწევს“. ჯაფარიძემ იარაღი 2024 წლის მაისში გამოიყენა, - მაშინ, როდესაც „აგენტების კანონის“ მოწინააღმდეგე დემონსტრანტებსა და მედიის წარმომადგენლებს საცხოვრებელ სახლებთან ჩაუსაფრდნენ და ფიზიკურად გაუსწორდნენ. „გირჩი TV-ს“ ოფისთან ნიღბიანი პირების ჩასაფრებისას, 2024 წლის 10 მაისს ჯაფარიძემ თავისი რეგისტრირებული იარაღიდან ჰაერში გამაფრთხილებლად გაისროლა. ასევე ნახეთ ზურა ჯაფარიძის თქმით, ჩასაფრებულების გამო გამაფრთხილებლად გაისროლა ...