„ხშირად ჩვენ ვხედავთ, რომ როდესაც ასეთი ინტენსიური განცხადება კეთდება პოლიტიკოსის თუ ჩინოვნიკის მიერ, იკვეთება ხოლმე ფინანსური ინტერესის ნიშნები. არ ვიცი, რასთან გვაქვს საქმე. ყოველ შემთხვევაში, არ მივაქცევდი დიდ ყურადღებას“, - განუცხადა ირაკლი კობახიძემ ჟურნალისტებს 27 დეკემბერს. კობახიძემ ასევე თქვა, რომ რესპუბლიკელი პოლიტიკოსი „გაააქტიურეს“, რათა „ტრამპის პირობებში პრობლემების გაგრძელების აღქმა“ შეიქმნას: „იმიტომ გაააქტიურეს რესპუბლიკელი პოლიტიკოსი, რომ ვიღაცამ შექმნას აღქმა ტრამპის პირობებში პრობლემების გაგრძელების თაობაზე. ჩვენ სხვა რამეს ველოდებით ახალი ადმინისტრაციისგან. ჩვენი ხელი არის გაწვდილი. ვთავაზობთ ახალ ადმინისტრაციას სტრატეგიული პარტნიორობის დაწყებას სუფთა ფურცლიდან, თვისებრივად განახლებას, გაჯანსაღებას იმ ურთიერთობის, რომელიც დღეს ჯანსაღ მდგომარეობაში არ არის. იმედი გვაქვს, პრეზიდენტის ახალი ადმინისტრაციის მხრიდან იქნება შემხვედრი პრაგმატული ნაბიჯები. ეს შედის ორივე ქვეყნის - როგორც საქართველოს, ისე აშშ-ის ინტერესებში“, - განაცხადა კობახიძემ. ასევე ნახეთ „დიპ სტეიტი“ - რა დგას „ოცნების“ ახალი გზავნილის მიღმა „საზოგადოებამ ისწავლა, რომ არცერთ ცალკეულ პოლიტიკოსს არ უნდა გაეკიდოს განცხადებებში. გახსოვთ, რომ ხუთი რეზოლუცია დაამტკიცა ევროპარლამენტმა, მაგრამ ამითაც ვერ შეძლეს საზოგადოებაზე ზემოქმედება“, - თქვა მან. 26 დეკემბერს კონგრესმენმა ჯო უილსონმა პლატფორმა X-ზე დაწერა: „რატომ გააფორმა საქართველოს დიქტატორობის მომლოდინე ბიძინა ივანიშვილმა ანაკლიის ღრმაწყლოვანი პორტის მშენებლობაზე ხელშეკრულება სანქცირებულ ჩინურ კომპანიასთან? მზად ხარ სანქციებისთვის, ბიძინა?“ მან ამ პოსტს თან დაურთო ჩინეთის პრეზიდენტ სი ძინპინისა და ბიძინა ივანიშვილის ფოტოები. მანამდე ასევე დაწერა, რომ ბიძინა ივანიშვილი საქართველოში დიქტატურის დამყარებას ცდილობს, რის პასუხადაც აშშ-მა ყველანაირი დახმარება უნდა შეაჩეროს. „კორუმპირებული, ჩინეთისა და ირანის მოყვარული და ამერიკის მოძულე ბიძინა ივანიშვილი ცდილობს საქართველოში დემოკრატია დიქტატურად გარდაქმნას. თუ ეს მოხდება, ჩვენ პირველ რიგში ამერიკა უნდა დავაყენოთ და საქართველოსთვის ყველა ფინანსური დახმარება შევაჩეროთ“, - დაწერა მან პლატფორმა X-ზე. ასევე ნახეთ "ბიძინა, მზად ხარ სანქციებისთვის? - ჯო უილსონი საქართველოზე მესამე ტვიტს აქვეყნებს კიდევ უფრო ადრე, თავდაპირველ პოსტში კი უილსონმა აღნიშნა, რომ აშშ-ის არჩეული პრეზიდენტის, დონალდ ტრამპის დამოკიდებულება ამერიკის თვითგამოცხადებულ მტრებზე ძალიან ნათელია. „პრეზიდენტმა ტრამპმა ძალიან ნათლად გამოხატა თავისი პოზიცია აშშ-ის თვითგამოცხადებული მტრების მიმართ. თუკი 29 დეკემბერს ბიძინა ივანიშვილი ქართული დემოკრატიის განადგურების გეგმას ბოლომდე ...