კოსოვოში საგანგებო ჯგუფმა გააუქმა საარჩევნო კომისიის გადაწყვეტილება, რომლითაც ეთნიკური სერბების უდიდეს პარტიას არჩევნებში მონაწილეობა აეკრძალა, სერბეთთან ახლო კავშირების გამო. "ცენტრალურ საარჩევნო კომისიას (CEC) დაევალა, დაამტკიცოს პოლიტიკური გაერთიანება "სერბთა სია" და ამ გაერთიანების კანდიდატები... კოსოვოს რესპუბლიკის ასამბლეის არჩევნებისთვის, რომელიც 2025 წლის 9 თებერვალს გაიმართება", - განაცხადა საარჩევნო საჩივრების და აპელაციის ჯგუფმა (ECAP) 25 დეკემბერს. ჯგუფის გადაწყვეტილებით, პარტიამ დააკმაყოფილა ყველა მოთხოვნა, რომლებიც საჭიროა პოლიტიკური რეგისტრაციისთვის და, შესაბამისად, ის იმსახურებს დამტკიცებას. საარჩევნო კომისიამ 23 დეკემბერს გამოაცხადა გადაწყვეტილება, არჩევნებზე არ დაეშვა "სერბთა სია". კომისიამ ამ გადაწყვეტილების მიზეზად მოიტანა პარტიის ნაციონალისტური ორიენტაცია და ახლო კავშირები ბელგრადთან. კომისიის ზოგიერთი წევრი აღნიშნავდა, რომ პარტია "სერბთა სიის" ლიდერი ზლატან ელეკი კოსოვოს არასოდეს მოიხსენიებს, როგორც დამოუკიდებელს და მას კვლავ უწოდებს სერბეთის ავტონომიურ პროვინცია კოსოვოს. ასევე ნახეთ ეთნიკური სერბების პარტია გაასაჩივრებს აკრძალვას კოსოვოს არჩევნებზე ...