20 დეკემბრის საღამოს გერმანიის ქალაქ მაგდებურგის საშობაო ტრადიციულ ბაზრობაზე თავდასხმის შედეგად დაღუპულთა რაოდენობა გაიზარდა და ხუთს მიაღწია. დაშავებულია 200 ადამიანი, მათ შორის 40 მძიმედ არის, - განაცხადა ზაქსენ-ანჰალტის მხარის პრემიერ-მინისტრმა, რაინერ ჰაზელოფმა. გერმანიის კანცლერმა, ოლაფ შოლცმა მაგდებურგში მომხდარს “საშინელი ქმედება” უწოდა. მისი თქმით, ახლა მნიშვნელოვანია გამოძიება, ბოროტმოქმედის მოტივები დავადგინოთ, რათა საჭირო დასკვნები გაკეთდეს. კანცლერმა გერმანიის მოქალაქეებს ერთიანობისკენ მოუწოდა. მან თანაგრძნობა გამოუცხადა მომხდარის მსხვერპლს. 21 დეკემბერს საღამოს მაგდებურგის ტაძარში დაღუპულთა ხსოვნის ღვთისმსახურება გაიმართება. 20 დეკემბრის საღამოს, ავტომობილი, რომელსაც 50 წლის, წარმოშობით საუდის არაბეთიდან კაცი მართავდა, შეიჭრა საშობაო ბაზრობაზე და 400 მეტრი იარა ხალხის ბრბოში, მიზანმიმართულად. მედია იტყობინება, რომ ეჭვმიტანილი ისლამის რადიკალური მოწინააღმდეგეა და სიმპათიით არის განწყობილი პარტიის “ალტერნატივა გერმანიისთვის” მიმართ. მისი პირდაპირი მოტივი ჯერ არ არის დადგენილი. ასევე ნახეთ გერმანიაში მანქანა შევარდა საშობაო ბაზრობაზე, ორი ადამიანი დაიღუპა ...