კიბერთავდასხმის შედეგად მუშაობა დროებით შეწყვიტა უკრაინის სახელმწიფო და ერთიანი რეესტრის სისტემამ. უკრაინის იუსტიციის მინისტრმა ოლგა სტეფანიშინამ ბოლო პერიოდის ყველაზე მასშტაბურ კიბერშეტევაში რუსეთი დაადანაშაულა. სისტემა 19 დეკემბერს, ღამით გაითიშა და მის აღდგენას, სავარაუდოდ, ორი კვირა დასჭირდება. სტეფანიშინას განცხადებით, რუსი ჰაკერების მიერ ორგანიზებული თავდასხმის მიზანი იყო უკრაინის ძირითადი სახელმწიფო სერვისების ფუნქციონირების დარღვევა. გამოცემა „უკრაინსკა პრავდა“ წერს, რომ თავდასხმაზე პასუხისმგებლობა აიღო რუსი ჰაკერების ჯგუფმა XakNet Team-მა. მისი მტკიცებით, გაანადგურეს უკრაინის რეესტრის მონაცემთა სარეზერვო ასლებიც, რომლებიც პოლონეთში ინახებოდა. ...