26 ოქტომბერს ჩატარებული არჩევნების შედეგებს და პარლამენტის ლეგიტიმურობას არ აღიარებს საქართველოს პრეზიდენტი, ბარიერგადალახული ოპოზიციური პარტიები და დემონსტრანტები, რომლებიც მეთექვსმეტე დღეა აქციებს მართავენ ახალი საპარლამენტო არჩევნების დანიშვნის მოთხოვნით. три პარლამენტის შენობაში უსაფრთხოების "ყვითელი დონეა" გამოცხადებული. პროცესის გაშუქების შესაძლებლობა აქვს სპეციალურად ამ დღისთვის აკრედიტებულ ტელე- და ონლაინმედიას. ასევე ნახეთ საქართველოს, რუსეთის, შვეიცარიის ჩემპიონი, "ოცნების" რჩეული "ხალხის ძალიდან" - კიდევ რა ვიცით პრეზიდენტობის კანდიდატზე? პარალელურად რამდენიმე ათეული ახალგაზრდა, დილით 7 საათიდან ფილარმონიასთან შეიკრიბა და მსვლელობით მივიდა პარლამენტის შენობასთან. ასევე ნახეთ ვინ ირჩევს ყაველაშვილს პრეზიდენტად რუსთაველის გამზირზე საავტომობილო მოძრაობა შეჩერებულია, ტერიტორია გადაკეტილი აქვს საპატრულო პოლიციას. პოლიცაა მობილიზებული პარლამენტის გვერდითა - 9 აპრილისა და ჭიჭინაძის ქუჩებზე. საპოლიციო ტექნიკაა მობილიზებული თავისუფლების მოედანზეც პოლიცია იცავს ჯებირებით შემოსაზღვრულ საახალწლო ნაძვის ხესაც, რომლის საზეიმო ანთებასაც თბილისის მერი კახა კალაძე 14 დეკემბერს საღამოს 19:00 საათისთვის გეგმავს. საქართველოს პრეზიდენტმა სალომე ზურაბიშვილმა 14 დეკემბერს „ქართული ოცნების“ მიერ პრეზიდენტობის კანდიდატად დასახელებული მიხეილ ყაველაშვილის არჩევას უწოდა „პროვოკაცია“ და „პაროდია“. მან ასევე განაცხადა, რომ არსად არ მიდის. ასევე ნახეთ „აქ ვარ და აქ ვრჩები“ - ზურაბიშვილი ყაველაშვილის არჩევას პროვოკაციას და პაროდიას უწოდებს სალომე ზურაბიშვილი თვლის, რომ ლეგიტიმური პარლამენტის არჩევის შემდეგ უნდა ჩატარდეს ლეგიტიმური საპრეზიდენტო არჩევნები. მანამდე კი, როგორც განმარტავს, ლეგიტიმურ პრეზიდენტად ის თავად დარჩება. ოპოზიციური პარტიების წარმომადგენლები კენჭისყრის პროცესში არ მონაწილეობენ. ვინ შედის 300-წევრიან კოლეგიაში კოლეგიის წევრთა 300-წევრიანი სია ცესკომ 2 დეკემბერს დაამტკიცა. კოლეგიის შემადგენლობაშია: საქართველოს პარლამენტი - 150 წევრი [ყველა წევრი - ოპოზიციის ბოიკოტის მიუხედავად]; აჭარის ავტონომიური რესპუბლიკის უმაღლესი წარმომადგენლობითი ორგანო - 21 წევრი [ყველა წევრი]; აფხაზეთის ავტონომიური რესპუბლიკის უმაღლესი წარმომადგენლობითი ორგანო - 20 წევრი [ყველა წევრი]; პოლიტიკური პარტიები ადგილობრივი თვითმმართველობის წარმომადგენლობითი ორგანოების [საკრებულო] შემადგენლობიდან - 109 წევრი. პროცედურა პარლამენტის პლენარულ სხდომათა დარბაზში მიმდინარეობს, პროცესს ახორციელებს ცენტრალური საარჩევნო კომისია. დელეგატებს პროცედურა ცესკოს თავმჯდომარემ გიორგი კალანდარიშვილმა გააცნო. კენჭისყრა...