უკრაინული მოძრაობის FEMEN-ის აქტივისტებმა 13 დეკემბერს აქცია გამართეს ჟენევაში, ერთა სასახლის - გაეროს ევროპული შტაბბინის წინ. აქტივისტებმა ჯაჭვური ხერხით დააზიანეს 12-მეტრიანი სკულპტურა - მემორიალი - „გატეხილი სკამი“, რომელიც ქვეითსაწინააღმდეგო ნაღმების მიმართ წინააღმდეგობის სიმბოლოა. აქციის მონაწილეებს, რომლებიც წელს ზემოთ შიშვლები იყვნენ, ზურგზე ეწერათ „უარი ნაღმებს“, ხოლო მკერდზე - შეურაცხმყოფელი წარწერები რუსეთისა და გაეროს მისამართით. აქცია წარმოადგენდა პროტესტს უკრაინის ომში ქვეითსაწინააღმდეგო ნაღმების გამოყენების, ასევე ომის და იმის მიმართ პროტესტს, რომ გაერო, მონაწილეების თანახმად, ვერ ახერხებს კონფლიქტის შეჩერებას. "გაერო შეიქმნა მშვიდობის უზრუნველსაყოფად, მაგრამ მისი წარუმატებლობა აგრესორის შეჩერებაში მხოლოდ აღრმავებს ტრაგედიას", - ნათქვამია ჯგუფის განცხადებაში. "უკრაინა გახდა ღალატისა და სამხედრო აგრესიის მსხვერპლი და მსოფლიო ვერ მოეფარება ძეგლებს და ვერ იქნება გულგრილი, როგორ გვანადგურებენ". მონაწილეებმა ჟურნალისტებთან საუბარზე უარი თქვეს. სულ მცირე, სამი მათგანი - ორი აქტივისტი და მათი მხარდასაჭერად მისული კოლეგა - პოლიციამ დააკავა, იტყობინება Associated Press-ი. მოძრაობა FEMEN-ი დაარსდა კიეველი ფემინისტების მიერ 2008 წელს. მათ სახელი გაითქვეს ეპატაჟური გამოსვლებით, რომელთა დროსაც მონაწილეები წელს ზემოთ შიშვლები არიან. აქტივისტები ქალთა უფლებების - ზოგადად ადამიანის უფლებების, დაცვას მოითხოვენ. ისინი არაერთხელ შეერთებიან პოლიტიკური რეპრესიების წინააღმდეგ საპროტესტო აქციებს რუსეთში, ბელარუსსა და ახლო აღმოსავლეთში, გამოდიან უკრაინაში რუსეთის სამხედრო შეჭრის წინააღმდეგ. ასევე ნახეთ ფემენის წელს ზემოთ შიშველი აქტივისტები პოლიციამ დააკავა პუტინის და ზელენსკის შეხვედრისთვის მზადების წინ ...