ამერიკის შეერთებულმა შტატებმა უკრაინას გამოუყო კიდევ 500 მილიონი დოლარის სამხედრო დახმარება. პრეზიდენტ ჯო ბაიდენის გადაწყვეტილების შესახებ 12 დეკემბერს განაცხადეს თავდაცვის სამინისტრომ და სახელმწიფო მდივანმა ენტონი ბლინკენმა. სამხედრო დახმარების ახალი პაკეტი მოიცავს საბრძოლო მასალებს მაღალი მობილობის საარტილერიო სარაკეტო სისტემებისთვის(HIMARS), 155 და 105-მილიმეტრიან საარტილერიო ჭურვებს, უპილოტო საფრენ აპარატებს, ტანკსაწინააღმდეგო სისტემებს Javelin და AT-4, ტანკსაწინააღმდეგო რაკეტებს TOW და სხვა საბრძოლო მასალებს და ტექნიკას. უკრაინა ამ იარაღს და ტექნიკას აშშ-ის თავდაცვის სამინისტროს მარაგებიდან მიიღებს. ასევე ნახეთ უკრაინა მიიღებს კიდევ 725 მილიონი დოლარის ამერიკულ იარაღს და ტექნიკას პენტაგონის მონაცემებით, უკრაინაში რუსეთის ფართომასშტაბიანი შეჭრის შემდეგ, 2022 წლის 24 თებერვლიდან 2024 წლის 12 დეკემბრის ჩათვლით ამერიკის შეერთებულმა შტატებმა უკრაინას გაუწია დაახლოებით 62,9 მილიარდი დოლარის სამხედრო დახმარება. ასევე ნახეთ ჟურნალმა Time-მა დონალდ ტრამპი 2024 წლის ადამიანად აირჩია ...