დემონსტრანტებმა ნაძვის ხის კონსტრუქციაზე, რომლის მონტაჟი თბილისის მერიამ 8 დეკემბერს, გამთენიისას დაიწყო, საპროტესტო აქციების დარბევისას დაშავებული და დასახიჩრებული ადამიანების ფოტოები ჩამოკიდეს. ნაძვის ხეს ასევე ამშვენებს საქართველოს, უკრაინის, აშშ-ისა და ევროკავშირის დროშები. რუსთაველის გამზირზე შეკრებილი მოქალაქეები დამნაშავეების გამოვლენასა და დასჯასთან ერთად, ასევე მოითხოვენ იმ პირთა გათავისუფლებას, რომლებიც საპროტესტო გამოსვლების დროს ან დასრულების შემდეგ დააკავეს. ასევე ნახეთ პარლამენტის წინ ნაძვის ხის აწყობა დაიწყეს საპროტესტო აქციის მონაწილეები აპროტესტებენ “ქართული ოცნების“ 28 ნოემბრის გადაწყვეტილებას, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს ხსნის დღის წესრიგიდან. საპროტესტო აქციების მონაწილეების მოთხოვნა უცვლელია - დაინიშნოს ხელახალი საპარლამენტო არჩევნები და გათავისუფლდნენ დაკავებული მოქალაქეები. მეთერთმეტე ღამეა, ამ მოთხოვნებით თბილისში დემონსტრაციები იმართება. 6-7 დეკემბრის ღამეს, აქციის დაშლისას, სპეცრაზმის თანამშრომლებმა 48 პირი დააკავეს. დემონსტრანტების დაკავებისას გადაღებულ კადრებში ჩანს, რომ დაკავებისას სპეცრაზმი მათ ფიზიკურად გაუსწორდა. იმავე ღამეს საპოლიციო ძალებმა დემონსტრანტების დასაშლელად გამოიყვანეს წყლის ჭავლის მანქანა და ასევე დიდი რაოდენობით ცრემლმდენი აირი. три შინაგან საქმეთა სამინისტროს 8 დეკემბრის მონაცემებით, 28 ნოემბრიდან დღემდე გამართული აქციის ფარგლებში სისხლისსამართლებრივი წესით პასუხისგებაშია მიცემული 30-ზე მეტი პირი. ასევე, ადმინისტრაციული წესით დაკავებულია და საქმის წარმოება დაწყებულია 372 პირის მიმართ. მათგან 62-ის მიმართ უკვე გამოყენებულია ადმინისტრაციული პატიმრობა, ხოლო 100-ზე მეტი პირის მიმართ - ჯარიმა, როგორც სახდელის სახე. დანარჩენების მიმართ გრძელდება სასამართლო განხილვები. შს სამინისტროს არ ჯერ არ გაუვრცელებია ინფორმაცია ძალის გადამეტების ან კანონდარღვევის გამო პასუხისგებაში მიცემული პოლიციელების შესახებ. ...