три ნაძვის ხის კონსტრუქციასთან ახლოს აქციის მონაწილეებმა შინაგან საქმეთა სამინისტროს განსაკუთრებულ დავალებათა დეპარტამენტის ხელმძღვანელის, ზვიად ხარაზიშვილის („ხარება“) ფიტული დაწვეს. სწორედ მის დაქვემდებარებაში არსებული დანაყოფი შლის აქციას ძალის გამოყენებით. три თბილისის მერიამ პარლამენტის შენობის წინ საახალწლო ნაძვის ხის აწყობა 8 დეკემბერს, საპროტესტო აქციის დაშლის შემდეგ, გვიან ღამით დაიწყო. ასევე ნახეთ „გამარჯვებებით სავსე ქალაქი“ - 2025 წლისთვის თბილისის საახალწლო სლოგანია „ვისმენ კონკრეტულ განცხადებებს საახალწლო ღონისძიებებთან დაკავშირებით იმ რადიკალების მხრიდან, რომ ისინი აპირებენ სხვადასხვა ქმედებას, რაც კატეგორიულად მიუღებელია. თქვენ წარმოიდგინეთ, ომის დროსაც კი იდგმება საახალწლო ნაძვის ხე იმისთვის, რომ ადამიანებს, პატარებს მაქსიმალურად შეუმსუბუქონ მდგომარეობა. ასეთი რამ უკრაინაშიც ბევრჯერ გვინახავს“, - განაცხადა თბილისის მერმა კახა კალაძემ 6 დეკემბერს. ასევე ნახეთ პარლამენტის წინ ნაძვის ხის აწყობა დაიწყეს ნაძვის ხეს მერია აწყობს იმ ადგილზე, სადაც უკვე მეთერთმეტე დღეა, არ წყდება ათასობით ადამიანის პროტესტი - მოქალაქეები აპროტესტებენ მმართველ პარტიაში მიღებულ გადაწყვეტილებას, რომლის მიხედვითაც, ხელისუფლება 2028 წლის ბოლომდე დღის წესრიგში არ დააყენებს ევროკავშირთან წევრობაზე მოლაპარაკების გახსნის საკითხს. თავისუფლების მოედანი პარლამენტის შენობიდან რამდენიმე ათეულ მეტრში მდებარეობს. ყოველ საღამოს, როცა ათასობით ადამიანი გამოდის ქუჩაში, პოლიციას გამოჰყავს განსაკუთრებულ დავალებათა დეპარტამენტის თანამშრომლები, წყლის ჭავლის მანქანები და სხვა საპოლიციო ძალები. ისინი ყოველ ღამე შლიან რუსთაველზე შეკრებილ ადამიანებს, მათ ნაწილს კი იჭერენ. დღეს, 8 დეკემბერს, აქციაზე ნაცემი ჟურნალისტებისა და ოპერატორების მხარდასაჭერად აქცია გაიმართა თბილისსა და სხვა ქალაქებში. დედაქალაქში, რესპუბლიკის მოედანზე, შეკრებილმა ჟურნალისტებმა და მოქალაქეებმა მსვლელობით პარლამენტის შენობის წინ გადაინაცვლეს და ნაძვის ხის კონსტრუქციაზე აქციაზე დაშავებული ადამიანების ფოტოები დაამაგრეს. ასევე ნახეთ პარლამენტთან ნაძვის ხე აქციაზე ნაცემი ადამიანების ფოტოებით „მორთეს“ ...