„დღეს საღამოს ვიხილეთ ფიზიკური ანგარიშსწორების უმძიმესი კადრები... მრავალი ვერსია ისმის მომხდარის შესახებ, თუმცა საბოლოოდ, რაც არ უნდა გაირკვეს, ქალაქის ქუჩებში ნიღბიან, ამოუცნობ პირთა ჯგუფის მხრიდან სასტიკი, ფიზიკური ანგარიშსწორება მოქალაქეებზე, მით უმეტეს ჟურნალისტებზე, სახიფათო ნიშანია“, - წერს დეკანოზი ფეისბუკზე. საპროტესტო აქციების მეათე ღამეს, ბესიკის ქუჩაზე „ტვ პირველის“ გადამღებ ჯგუფს, პირდაპირ ეთერში დაესხნენ თავს შავტანსაცმლიანი, ნიღბიანი უცნობები. ამის შედეგად, ჟურნალისტი მაკა ჩიხლაძე და ოპერატორი გიორგი შეწირული მძიმე ტრავმებით საავადმყოფოში აღმოჩნდნენ. ასევე ნახეთ ტვ პირველის გადამღებ ჯგუფს თავს დაესხნენ - ჟურნალისტი და ოპერატორი ნაცემები არიან იგივე ჯგუფი შეიჭრა „კოალიცია ცვლილებებისთვის“ ოფისში და ფიზიკურად გაუსწორდა კოალიციის წევრს, კობა ხაბაზსა და კიდევ ორ პილიტიკოსს. ასევე ნახეთ კობა ხაბაზს ფიზიკურად გაუსწორდნენ კოალიცია "ცვლილებისთვის" ოფისში იქვე, ბესიკის ქუჩის მიმდებარედ ნიღბიანები გაუსწორდნენ მსახიობ გიორგი მახარაძესაც. მან თქვა, რომ თავდასხმას შეესწრნენ პოლიციელებიც, თუმცა, მას არ დახმარებიან. ასევე ნახეთ მსახიობ გიორგი მახარაძეს თავს დაესხნენ და იძალადეს დეკანოზი ანდრია ჯაღმაიძე განცხადებაში აღნიშნავს, რომ ასეთი შემთხვევები დაუცველობის განცდას აჩენს და სახელმწიფო ვალდებულია გამოიძიოს, რომ რათა ისევ არ მოხდეს. ფეისბუკსტატუსში სასულიერო პირი საზოგადოებას ახსენებს სამოქალაქო ომისდროინდელ დაპირისპირებას და ხალხს მოუწოდებს იზრუნოს დაძაბულობის განმუხტვაზე. „თითოეულმა უნდა ვიზრუნოთ დაძაბულობის ჩაცხრობაზე, ნუ წავაქეზებთ ჩვენს შვილებს ერთმანეთის წინააღმდეგ“, - წერს იგი და განცხადებას ასრულებს ამ სიტყვებით: „ღმერთმა ინებოს მშვიდობა ჩვენს საზოგადოებაში, ჩვენს ქვეყანაში, სიყვარული ყოველთვის იმარჯვებს“. ბოლოს საქართველოს საპატრიარქო ქვეყანაში მიმდინარე პოლიტიკურ მოვლენებს 8 დღის წინ გამოეხმაურა. 30 ნოემბრის განცხადებაში საპატრიარქო მოუწოდებდა აქციის მონაწილეებსა და სამართალდამცავებს არ გასცდენოდნენ კანონის ფარგლებს. ასევე ნახეთ პროევროპული საპროტესტო აქციები თბილისში - ლაივბლოგი მოქალაქეები ხელისუფლების გადადგომასა და ხელახალი არჩევნების ჩატარებას ითხოვენ პრემიერ-მინისტრის 28 ნოემბრის განცხადების შემდეგ. „ქართულ ოცნებაში“ გადაწყვიტეს, რომ 2028 წლის ბოლომდე დღის წესრიგში არ დააყენონ ევროკავშირთან საქართველოს წევრობაზე მოლაპარაკების გახსნის საკითხი. დემონსტრაციების დაწყებიდან, 28 ნოემბრიდან 7 დეკემბრის ჩათვლით, შინაგან საქმეთა სამინისტროს მონაცემებით, ადმინისტრაციული წესით დაკავებულია 386 ადამიანი. საპროტესტო აქციაზე დაკავებულების ნაწილი ნაცემია, დაკავებულები ...