ასამდე ქართველი მუსიკოსი და მუსიკალური ბენდი ავრცელებს მანიფესტის ტექსტს, რომლის მიხედვითაც ქართველი შემსრულებლები მიიჩნევენ, რომ საქართველოში შექმნილი ვითარება და მაღალი მოქალაქეობრივი პასუხისმგებლობა აფიქრებინებთ მათ, რომ რუსთაველის გამზირზე მიმდინარე პროტესტი უნდა გაფართოვდეს და გადაიზარდოს საერთო გაფიცვაში. მანიფესტზე ხელმომწერები გმობენ "პროტესტანტების მიმართ არაპროპორციული და გადამეტებული ძალის გამოყენებას, მაროდიორობას, უკანონო დაჭერას, დაშინებასა და მრავალ სხვა დანაშაულებრივ მეთოდს, რომელსაც მმართველი პარტია ძალაუფლების შესანარჩუნებლად იყენებს". მათ განცხადებით საქართველოში შექმნილ ვითარებაში, "სადაც ადამიანებს ყოველდღიურად დევნიან, სცემენ და უკანონოდ აკავებენ თავისუფლების ერთგულებისა და ევროპული მომავლის დაცვის გამო" შეუძლებელია დარჩნენ რეაგირების გარეშე. ასევე ნახეთ პროევროპული საპროტესტო აქციები თბილისში - ლაივბლოგი "ერთის მხრივ, მუსიკოსები საზოგადოების კეთილგანწყობით და სიმპათიებით სარგებლობენ, რის გამოც ვალდებულები ვართ, ჩვენი რესურსი არ მოხმარდეს მმართველი პარტიის სოციალური იმიჯის წახალისებასა და პოზიციების გამყარებას. მეორეს მხრივ, სახელმწიფო ღონისძიებები იმართება არალეგიტიმური მთავრობის მიერ იმ ხალხისგან შევსებული ბიუჯეტით, რომელიც საკუთარი სიცოცხლისა და თავისუფლების რისკის ქვეშ დაყენების ფასად იცავს სამშობლოს. აქედან გამომდინარე, ჩვენ, მუსიკოსები, პროტესტს ვუცხადებთ არალეგიტიმურ ხელისუფლებას და უარს ვამბობთ ნებისმიერ სახელმწიფო ღონისძიებაში მონაწილეობაზე", - წერია მუსიკოსების მანიფესტში, რომელიც 5 დეკემბრის საღამოს გავრცელდა. სია განახლებადია. მას ხელს აწერენ: ნინო ქათამაძე მწვანე ოთახი თამადა Soft Eject მაია დარსმელიძე რობი კუხიანიძე & ჯგუფი Outsider ბექა გოჩიაშვილი Bedford Falls MOKUMOKU არა Creams Mechanical Rainbow ერეკლე დეისაძე Melqo Circus Mircus LOUDspeakers SKAZZ Killages 4D Monster Lobsters მებო ნუცუბიძე ბაჩო ჯიქიძე & ესთეტი ბიჭები გამოუვალი მდგომარეობა ჯგუფი ყველა Zviad Mgebry მურმან წულაძე Anushka Chkheidze Will Kolak Tape Visitors LIOwithILA Sexy Bicycle Lua Nikala Mellow AVARA ელენე გოგოძე კოლექტივი DEENA Postalion On The Road Tanu Stibellyus ONEFORTY დავით მუნჯიშვილი NAKASHA MISHVARDI Noki Hiver Den IAMNIKITA სამართ(ლ)ებელი ინდი მეწარმეები ქაჯი თოდია ბულბულა ნიკა ჩოხელი FLOWFLOW MAGAZINE გიო რუსია პინო Echo STUTTER MVYKL TOVLY SOPO Koa mohawke Process TRIGGER Amstrd. Process Progenol Dito ნათია სართანი Nuka Gabunia Kuji Tabaghua ლაშა ნათენაძე Sophie Villy 9Rhyme ANTICS,HEYS Anman ანიჩკა სიხარულიძე David Delgma Band E Roll მარიამ კუბანსკი ხუტა სალია ლევან სიდიანი ზუკ...