34
4 დეკემბერს შინაგან საქმეთა სამინისტროს წარმომადგენლები შევიდნენ პოლიტიკური პარტიების - „ნაციონალური მოძრაობის“, „გირჩი-დროას“, ახლის“ - ოფისებსა და ასევე აქტივისტური ჯგუფის წარმომადგენლების ბინებში. შსს-ის თანამშრომლებმა პარტია „ახლის“ ოფისში, „ბესიკის ბიზნესცენტრში“, ჩხრეკა ჩაატარეს. პარტიის დამფუძნებელი ნიკა გვარამია პოლიციელებს ეკითხებოდა, რის საფუძველზე შევიდნენ ოფისში, თუმცა პასუხი არ მიუღია. პოლიციელებმა 15:45 საათისთვის დატოვეს ოფისი. три პოლიციელები ამ წუთებში [16:20 საათი] იმყოფებიან „დროასა“ და „გირჩის“ საერთო ოფისში ფიქრის გორაზე, ლუარსაბ შარაშიძის ქუჩაზე. ელენე ხოშტარია პოლიციელებს უხსნის, რომ ინვენტარის ნაწილი, რომელიც ოფისშია - პუფები, გენერატორები - აქციისთვის სჭირდებათ, რათა „ბიძინა ივანიშვილს უთხრან, რომ არის რუსეთის მონა“. „საერთოდ ყველაფერი წაიღონ, ხელახლა ვიყიდით“, - თქვა ხოშტარიამ, რაზეც პოლიციელმა უპასუხა: „და საიდან გაქვთ ამდენი ფული, ქალბატონო ელენე?“ „თქვენ არ ინერვიულოთ - გროვდება, ბევრი გროვდება“, - უპასუხა ელენე ხოშტარიამ. три პოლიციელები არიან ასევე „ნაციონალური მოძრაობის“ ახალგაზრდული ფრთის ოფისში [16:20 სთ]. ადგილზე იმყოფება პარტიის თავმჯდომარე თინა ბოკუჩავა. ჩხრეკა ჩატარდა ჯგუფ „დაიტოვეს“ ადმინისტრატორის, ილია ღლონტის ბინაში. ასევე, ამავე ჯგუფის კიდევ ერთ წევრთან, ნენსი ვოლანდთან. „ვაქტიურობ და ალბათ ვეჩხირები თვალში“, - ამბობს ის. ასევე ნახეთ ფეისბუკჯგუფ „დაიტოვეს“ ადმინის, ილია ღლონტის ბინაში ჩხრეკა ჩატარდა три მიმდინარე საპროტესტო დემონსტრაციების პარალელურად, „ქართული ოცნების“ მთავრობის ხელმძღვანელმა ირაკლი კობახიძემ განაცხადა: „ოფისებში შემალული მდიდარი NGO-ების ლიდერებიც ვერ გაექცევიან კანონით დადგენილ პასუხისმგებლობას“. აქციები მე-7 დღეა გრძელდება. ...
