თბილისში, ჭავჭავაძის გამზირზე, ვაკის პარკის სიახლოვეს პოლიციამ დააკავა "კოალიცია ცვლილებისთვის" ერთ-ერთი ლიდერი, პარტია "გირჩი - მეტი თავისუფლების" დამფუძნებელი ზურა გირჩი ჯაფარიძე. ჯაფარიძის გარდა, დაკავებულია რამდენიმე მოქალაქე, რომელთა რაოდენობის დაზუსტებასაც რადიო თავისუფლება შინაგან საქმეთა სამინისტროსთან ცდილობს. три ცნობილია, რომ ერთ-ერთი დაკავებული ლუკა მიშველაძეა. თვითმხილველები ჰყვებიან, რომ პოლიცია სასტიკად სცემდა, მოფარებულ ადგილებში იტაცებდა მოქალაქეებს და ფიზიკურად უსწორდებოდა მათ, ვისაც აკავებდა. ერთ-ერთმა პოლიციელმა ხელის კვრით დააგდო ქუჩაში ახალგაზრდა ქალი, რომელიც ადამიანების დაკავებას და დემონსტრანტებზე ძალადობას აპროტესტებდა. მოქალაქეები თავს კორპუსების სადარბაზოებსა და ეზოებს აფარებდნენ, თუმცა ეს არ იყო უსაფრთხო ადგილი მათთვის - ნიღბიანი ძალოვნები მათ საპოვნელად სადარბაზოებსაც ამოწმებდნენ. ვაკეში, ჭავჭავაძის გამზირზე აქციის მონაწილეებმა მას შემდეგ გადაინაცვლეს, რაც პოლიციამ რუსთაველზე დემონსტრანტების დარბევა დაიწყო და მათ ქუჩებში დაედევნა - რამდენიმე ადამიანი, მათ შორის "მაუწყებლის" ჟურნალისტი გიორგი ჩაგელიშვილი, დააკავეს მეტრო "რუსთაველის" ვესტიბიულში. ასევე ნახეთ პოლიცია მეტროსადგურ "რუსთაველში" ფიზიკურად გაუსწორდა დემონსტრანტებს ჭავჭავაძის გამზირზე, ვაკის პარკთან, მოქალაქეების დაკავებას წინ უძღოდა მათი მხრიდან ბარიკადების აღმართვა პოლიციის შესაჩერებლად - დაპირისპირების გამო დაახლოებით ერთი საათის განმავლობაში შეფერხებული იყო მოძრაობა ამ ქუჩაზე. გავრცელებულ კადრებში ჩანს პოლიციის ათობით ავტომობილი ვაკე-საბურთალოს გზაზე და იქიდან გადმოსული ნიღბიანი პოლიციელებიც, რომლებიც ავტომობილების ხერგილში მდგარ მოქალაქეებსა და მანქანებს შორის მოძრაობენ ადამიანების დასაჭერად. три გასული ღამის განმავლობაში შსს-ს სპეცრაზმელებმა რუსთაველის გამზირზე საპროტესტო აქციის მონაწილეთა დასაშლელად არაერთხელ გამოიყენეს წყლის ჭავლი და ცრემლმდენი გაზი. პოლიცია ისევ ფიზიკურად გაუსწორდა არაერთ დემონსტრანტს. ასევე ნახეთ საია: შსს ნაცვლად მართლწესრიგის დაცვისა, სჩადის დანაშაულს შსს-მ კვლავ განაცხადა, რომ „აქცია არაერთხელ გასცდა შეკრებისა და მანიფესტაციის კანონით დადგენილ ნორმებს" და „აგრესიული ჯგუფების" მხრიდან ისევ იყო პოლიციელებზე თავდასხმები, ესროდნენ ქვებს, პიროტექნიკას, ცეცხლმოკიდებულ ნივთებს, შუშის ბოთლებსა და რკინის საგნებს. შსს-ს თანახმად, 1-2 დეკემბერს დაშავდა მათი 21 თანამშრომელი, ხოლო აქციების დაწყებიდან - 113. საპროტესტო აქციების დაწყებიდან დაშავებულია ათეულობით დემონსტრანტი და ჟურნალისტი. დაკავებულია 200-ზე მეტი. ასევე ნახეთ დაკავებულია ID...