შინაგან საქმეთა სამინისტრო მშობლებს მოუწოდებს „იმოქმედონ ბავშვის საუკეთესო ინტერესების შესაბამისად და ძალადობრივ გარემოს მოარიდონ არასრულწლოვნები". უწყების მიერ გავრცელებულ განცხადებაში მიმოხილულია პარლამენტთან მიმდინარე პროცესები, სადაც წერია, რომ „აქციის მონაწილეები ნაწილი ძალადობრივ ქმედებებს განაგრძობს". „ვაფრთხილებთ აქციის აგრესიულ მონაწილეებს, შეწყვიტონ კანონსაწინააღმდეგო ქმედებები, წინააღმდეგ შემთხვევაში, შინაგან საქმეთა სამინისტრო გაატარებს კანონით მინიჭებულ შესაბამის ღონისძიებებს“, - აცხადებენ შსს-ში. უწყების მტკიცებით, შეკრების დაწყებიდან რამდენიმე წუთში უკვე დაფიქსირდა კანონსაწინააღმდეგო ქმედებები. „აქციის მონაწილეების გარკვეული ნაწილი, როგორც წინა დღეებში, დღესაც განაგრძობს ძალადობრივ ქმედებებს. საზოგადოება რამდენიმე საათია ნათლად ხედავს, აქციის აგრესიული ჯგუფების მხრიდან მუდმივ თავდასხმებს პოლიციელებზე. შინაგან საქმეთა სამინისტროს შესაბამისი დანაყოფის თანამშრომლები, წყლის ჭავლის მეშვეობით ცდილობენ აგრესიული ჯგუფის წევრების მოგერიებას, თუმცა მომიტინგეები არ წყვეტენ ძალადობრივ ქმედებებს. დაფიქსირდა შემთხვევები, როდესაც პარლამენტის შენობის დაზიანების მიზნით, ძალადობრივი ჯგუფის წევრების მიერ, თავდაპირველად ხდება ფანჯრების ჩამსხვრევა ქვებისა და სხვა მძიმე საგნების მეშვეობით, შემდეგ ადვილად აალებადი ნივთიერებების სროლა პარლამენტის შენობის ოთახებში და ბოლოს პიროტექნიკის გამოყენებით ხანძრის გაჩენა", - ვკითხულობთ განცხადებაში. ასევე ნახეთ პროევროპული საპროტესტო აქციები თბილისში - ლაივბლოგი შსს ბავშვებზე საუბრისას ბავშვა უფლებათა კოდექსს ეყრდნობა და წერს, რომ ყველა ბავშვს აქვს უფლება, ისარგებლოს მშვიდობიანი შეკრების თავისუფლებით. „თუმცა, მიმდინარე აქციები მრავალგზის გასცდა მშვიდობიანი შეკრების ფარგლებს და მიიღო ძალადობრივი ხასიათი“. „შესაბამისად, აქციაზე მყოფი ბავშვები იმყოფებიან ძალადობრივ გარემოში და არსებობს მათი დაშავების მაღალი რისკი. ბავშვის უფლებათა კოდექსის თანახმად, ბავშვი უზრუნველყოფილი უნდა იყოს ჯანმრთელობისთვის უვნებელი გარემოთი და საჯარო სივრცით, შესაბამისად მშობელი ან ბავშვის აღზრდაზე პასუხისმგებელი პირი ვალდებულია დაიცვას იგი“, - ამბობენ შსს-ში. შსს-ს შემდეგ ანალოგიური მოწოდებით განცხადება გამოაქვეყნა სახალხო დამცველმა და საპროტესტო აქციაზე მყოფ არასრულწლოვნების მშობლებსა და კანონიერ წარმომადგენლებს მოუწოდა, სასწრაფოდ მოარიდონ ბავშვები საპოლიციო ოპერაციის განხორციელების არეალს, რათა არ დაზიანდნენ და მათ ჯანმრთელობას საფრთხე არ შეექმნას. განცხადების დასასრულს, შსს წერს, რომ უწყებაში მიმდინარეობს გამოძიება, დადგინდება დანაშაულის ჩამდენი ყველა პირი და თითოეულ კანონსაწინააღმდეგო ქმედებას, პოლიციის მხრიდან შე...