ბირთვული კვლევის ევროპულმა ორგანიზაციამ, CERN-მა, 30 ნოემბრიდან შეწყვიტა რუსეთის მეცნიერებთან თანამშრომლობა. საქმე ეხება დაახლოებით 350 მეცნიერს რუსეთიდან. CERN-ი ცნობილია პირველ რიგში თავისი დიდი ჰადრონული ამაჩქარებლით - მსოფლიოში უდიდესი სამეცნიერო დანადგარით. მის მშენებლობასა და კვლევებში ჩართულია 100 ქვეყნის 10 ათასამდე მეცნიერი, მათ შორის - რუსეთიდან. რუსეთთან რომ ხელშეკრულებას აღარ გააგრძელებს, ამის შესახებ CERN-მა 2023 წლის დეკემბერში განაცხადა. ბელარუსთან ხელშეკრულებას წელს ივნისში გაუვიდა ვადა. 2022 წლის მარტში, უკრაინაში რუსეთის ჯარების შეჭრიდან ცოტა ხნის შემდეგ, CERN-მა რუსეთს დამკვირვებლის სტატუსი შეუჩერა. ორგანიზაციის წევრმა 23-მა სახელმწიფომ „მტკიცედ დაგმო“ რუსეთის აგრესია. ...