„2024 წლის 30 ნოემბერი - კიდევ ერთი ნოემბერი უკვე ივანიშვილის შესრულებით. კიდევ ერთი დანაშაული საკუთარი ხალხის წინააღმდეგ“, - ასე აფასებს ექსპრემიერი გიორგი გახარია პოლიციის მიერ პროევროპული საპროტესტო დემონსტრაციის დარბევას. „რეჟიმმა თვითგადარჩენისთვის არალეგიტიმური და არაპროპორციული ძალა გამოიყენა. რეჟიმმა მშვიდობიანი მომიტინგეების წინააღმდეგ იძალადა. ახალგაზრდებზე, რომლებსაც მხოლოდ თავისუფალ, ევროპულ საქართველოში ცხოვრება სურთ. მოძალადე რეჟიმს საქართველომ ერთხელ უკვე უთხრა - არა“, - წერს გახარია ფეისბუკზე. გახარიას პარტია, „საქართველოსთვის“, ერთ-ერთია იმ ოპოზიციურ პარტიებს შორის, რომლებიც 2024 წლის საპარლამენტო არჩევნებს გაყალბებულად მიიჩნევენ და ხელახალ არჩევნებს ითხოვენ. три თბილისში, რუსთაველის გამზირზე, სასტუმრო „თბილისის მარიოტის“ მოპირდაპირე მხარეს დემონსტრანტებმა ბარიკადები ააგეს. პოლიციის მიერ აქციის დარბევისა და წყლის ჭავლის გამოყენების მიუხედავად, გამზირზე ათასობით დემონსტრანტი რჩება. „მარიოტთან“ ახლა რამდენიმე კარავია აღმართული, მათ გვერდით მიიტანეს ნაგვის ურნები, ქუჩის სკამები და სხვა ნივთები. ასევე ნახეთ რუსთაველზე დემონსტრანტები ბარიკადებს აგებენ ...