"ქართული ოცნების" ერთ-ერთმა ლიდერმა მამუკა მდინარაძემ მედიასთან მმართველი პარტიის ოფისში განმარტა ხელისუფლების მოტივაცია ევროინტეგრაციის 2028 წლამდე შეწყვეტაზე. მდინარაძის ვერსიით, ევროკომისია16 დეკემბერს აპირებდა საქართველოსთვის წევრობაზე მოლაპარაკებების გახსნაზე უარის თქმას, რის შემდეგაც ქვეყანაში არეულობის მოწყობა იყო დაგეგმილი და ხელისუფლებამ სწორედ ეს არეულობა აირიდა თავიდან ევროკავშირში გაწევრიანების პროცესის შეჩერებით. მეტიც, მდინარაძის თქმით, ყოველ წელს გაზაფხულის და შემოდგომის მღელვარებები განპირობებული იყო ევროკავშირთან დაახლოების პროცესში წარმოქმნილი პრობლემებით და ამ გადაწყვეტილებამ ყველა შემდეგ მოსალოდნელ მღელვარებას ნიადაგი გამოაცალა. „16 დეკემბერს ევროსაბჭოს სხდომა იმართება და ამ თარიღზე იყო დამოკიდებული ჩვენი აგენტურული ოპოზიციის მთლიანი გეგმები", - თქვა მდინარაძემ და იქვე დააზუსტა, რომ ხელისუფლებას ეს ინფორმაცია ჰქონდა არა ევროკავშირიდან, არამედ ოპონენტებისგან. "16 დეკემბერს საქართველოში არეულობის მოწყობა იგეგმებოდა იმაზე დაყრდნობით, რომ ევროკომისიას საქართველოსთვის მოლაპარაკებების გახსნაზე უარი უნდა ეთქვა. როდესაც ჩვენ ვსაუბრობთ, რომ ყველა შემოდგომაზე და გაზაფხულზე ასეთი არეულობის მცდელობებს ექნებოდა ადგილი, ვგულისხმობთ, რომ წელიწადში ორჯერ ამ პერიოდში იგეგმება და ტარდება ხოლმე ევროსაბჭოს სხდომა, სადაც ასეთი საკითხები განიხილება. მთელი მომდევნო ოთხი წლის გეგმები ამაზე იყო აწყობილი", - თქვა მდინარაძემ და გამოთქვა ვარაუდი, რომ ქუჩის პროტესტი მთავრობის დამტკიცებისას სწორედ იმით იყო განპირობებული, რომ ოპოზიცია გეგმებს 16 დეკემბერზე აწყობდა. "16 დეკემბერს უნდა მომხდარიყო არეულობა, იქიდან გამომდინარე, რომ „ქართულ ოცნებას“ ევროსაბჭომ და ევროკომისიამ უარი უთხრა მოლაპარაკებების გახსნაზე. ეს გეგმები ჩავუშალეთ და ეს მთავარი ბერკეტი წავართვით მათ. ეს პასუხი ჩვენს იმ მომხრეებს იმ კითხვაზე, რად გინდოდათ ახლა და რაღა მაინც და მაინც ახლა, როდესაც ყველაფერი ჩაცხრა და ვნებათაღელვა არ არსებობდაო“, - აუხსნა მდინარაძემ საკუთარ მხარდამჭერებს. მან ეს გადაწყვეტილება შეადარა "აგენტების კანონის" მიღების პროცესს, რომელშიც, მდინარაძის ინტერპრეტაციით, ოპოზიციას გამოეცალა მთელი ენერგია, რომელიც არჩევნებზე კარგი შედეგისთვის სჭირდებოდა. მდინარაძე ასევე ფიქრობს, რომ მისი განცხადებით ბევრი ადამიანი მიხვდება, რამდენად "მყარ სიმართლეს" ამბობს და ქუჩაში მღელვარება ჩაცხრება. три მდინარაძემ ასევე გაიმეორა პრემიერ კობახიძის ფრაზა, რომ თუკი ევროკავშირი "მაგიდაზე დადებს" გადაწყვეტილებას მოლაპარაკებების გახსნის შესახებ, "ქართული ოცნება" მას მყისიერად მოაწერს ხელს, მაგრამ "ხვეწნას" არ აპირებენ. როგო...