სალომე ზურაბიშვილმა, სიტყვით გამოსვლისას მიმართა საზოგადოებას, რომ არ დაკარგონ იმედი და არ ჩაიკლან პროტესტის გრძნობა. "მოგმართავთ ყველას, ვინც სახლში ხართ, ვინც გამოსული ხართ: არ დაკარგოთ იმედი, არავინ არ გაბედოს და არ ჩაგიკლათ დღევანდელი პროტესტი. როგორი იქნება ეს პროტესტი, სამართავია მომავალ დღეებში, ეს არის საზოგადოებისა და ამ [ოპოზიციური] ძალების გადასაწყვეტი. არშეგუება, არდანებება, წინააღმდეგობა. მე ამის ერთგული ვიქნები ბოლომდე, როგორც თქვენ იქნებით ერთგული ბოლომდე", - თქვა პრეზიდენტმა. три მანამდე, მან, ასევე მიმართა ოპოზიციურ პოლიტიკურ პარტიებს, საჯარო მოხელეებს, ელჩებს, ჯარსა და პოლიციას. პრეზიდენტის სიტყვებით, ახლა არის ოპოზიციის ერთიანობისა და კოორდინირებული გადაწყვეტილებების დრო. სალომე ზურაბიშვილმა, ასევე მიმართა საჯარო მოხელეებს და უთხრა მათ, რომ "უფრო მნიშვნელოვანია ღირსება და სამშობლო". ხოლო პოლიციელებს უთხრა, რომ მათი ვალია დაიცვან "მოქალაქეები და არა მონები". "მე აქ მივმართე პარტიებს - ახლა დრო აღარ არის იმისი რომ მე ჩემი აზრი მაქვს, ჩემი გზა მაქვს, ჩემი სურვილები მაქვს, ეს ყველაფერი დამთავრდა. დღეს ამ გამოწვევის წინაშე ან ვართ ერთად, ან არ ვიქნებით. ჩვენი პასუხისმგებლობა იქნება. მე ვიქნები ამათთან ერთად, თქვენთან ერთად, იმდენად, რამდენადაც იქნებიან ერთიანნი. მიიღებენ ერთად, კოორდინირებულ გადაწყვეტილებებს. არავინ არ სთხოვს პოლიტიკურ პარტიებს, რომ უცებ გახდნენ ერთი პარტია. ღმერთმა დაგვაშოროს ამისგან. აღარ გვინდა ერთპარტიული სისტემა, მაგრამ გვჭირდება გონივრული გადაწყვეტილებები, კოორდინირებულად მიღებული. ეს არის წინააღმდეგობის მოძრაობა და მე ვიქნები პრეზიდენტი ბოლომდე, მე ვარ ერთადერთი ლეგიტიმური ინსტიტუტი ამ ქვეყანაში დღეს, მე ვარ ერთადერთი ლეგიტიმური წარმომადგენელი ამ ქვეყნის, მე ვარ ერთადერთი, რომელსაც უფლება აქვს მსოფლიოს დაელაპარაკოს ჩვენი საზოგადოების სახელით. მინდა მივმართო საზოგადოებას, საჯარო მოხელეებს, დრო არის იფიქროთ იმაზე, რა მომავალს უტოვებთ თქვენს შვილებს, დრო არის იფიქროთ, რა რეპუტაციას უტოვებთ თქვენს შვილებს, რას იფიქრებენ ხვალ და ზეგ როცა თქვენს შედეგში იცხოვრებენ. მე მესმის, რომ რთულია ასეთ ქვეყანაში, რთულია, ვითომდა ეკონომიკურად მზარდ ქვეყანაში... როდესაც ვიცით, რა პირობებში ცხოვრობს ხალხი. ღირსება უფრო მნიშვნელოვანია. ქვეყანა, სამშობლო უფრო მნიშვნელოვანია. მინდა მივმართო ელჩებს, დღეს რაღას აკეთებთ, ვის ემსახურებით? რას ემსახურებით? იფიქრეთ თქვენც, რუსეთს გინდათ, ემსახუროთ? ხვალ აქ რუსეთია. მინდა მივმართო პოლიციას, ნამდვილ პოლიციას. თქვენ სახელმწიფოს გარეშე არაფერი არ ხართ. თქვენი მოვალეობა ამ სახელმწიფოში არის ის, მოქალაქეები დაიცვათ და არა მონები, არა რუსები, არა მოღალატეები. თქვენც...