სულ მცირე, 10 ადამიანი, მათ შორის 2 ბავშვი დაიღუპა უკრაინის ქალაქ სუმიზე რუსეთის სარაკეტო შეტევის შედეგად. ამის შესახებ ადგილობრივი ხელისუფლება იუწყება. დაჭრილია 50-ზე მეტი ადამიანი. რუსეთის ჯარებმა ქალაქ სუმის 17 ნოემბერს, გვიან საღამოს, დაარტყეს. მერიის და პროკურატურის ინფორმაციით, სარაკეტო შეტევა იყო ქალაქის ერთ-ერთ საცხოვრებელ რაიონზე, სადაც დაზიანებულია 10-ზე მეტი მრავალბინიანი კორპუსი. უკრაინის საგანგებო სიტუაციების სამსახურის ცნობით, დაზიანებული სახლებიდან ევაკუირებულია 400-ზე მეტი ადამიანი. უკრაინის პრეზიდენტმა ზელენსკიმ სუმიში დაღუპულთა ოჯახებს მიუსამძიმრა და განაცხადა, რომ უდანაშაულო ადამიანების მკვლელობაში დამნაშავე უნდა დაისაჯოს. ასევე ნახეთ „ასეთ რამეს არ აანონსებენ“ - ზელენსკი დასავლური რაკეტებით რუსეთზე მოსალოდნელ დარტყმაზე ...