უკრაინული ოპერატიულ-სტრატეგიული სამხედრო დაჯგუფება „ხორტიცა“ ავრცელებს ინფორმაციას კრამატორსკის მიმართულებით რუსული მოიერიშე თვითმფრინავის, Су-25-ის განადგურების შესახებ. სახმელეთო ჯარების მეთაური ალექსანდრ პავლიუკი ვიდეოსაც აქვეყნებს. მისი განცხადებით, კადრში ჩანს უკრაინელი სამხედროების დარტყმის შედეგად Су-25-ის ვარდნა. რუსეთის თავდაცვის სამინისტროს ამ საკითხზე კომენტარი ჯერ არ გაუკეთებია. ომის პირობებში რადიო თავისუფლება ვერ ახერხებს მხარეთა განცხადებების გადამოწმებას ოპერატიულად. მოიერიშე თვითმფრინავი Су-25 ემსახურება სახმელეთო ძალების მხარდაჭერას ბრძოლის ველზე სამიზნის პირდაპირი ხილვადობისას, აგრეთვე გამოიყენება მოძრავი და უძრავი სახმელეთო ობიექტების და დაბალი სიჩქარით მოძრავი საჰაერო სამიზნეების გასანადგურებლად. ...