აზერბაიჯანმა "ბრიკსში" (BRICS) გაწევრიანების განაცხადი ოფიციალურად წარადგინა, ამის შესახებ გამოცემა Report-ი იუწყება აზერბაიჯანის საგარეო საქმეთა სამინისტროს პრესმდივანზე, აიხან ჰაჯიზადეზე დაყრდნობით. აზერბაიჯანის ხელისუფლებამ ორგანიზაციაში გაწევრიანების სურვილი ივლისის დასაწყისში გამოაცხადა, ასტანაში შანხაის თანამშრომლობის ორგანიზაციის სამიტზე. აზერბაიჯანის მხრიდან განაცხადი გაკეთდა რუსეთის პრეზიდენტის, ვლადიმირ პუტინის ბაქოში ორდღიანი ვიზიტის მეორე დღეს. ასევე ნახეთ რატომ ჩავიდა პუტინი ბაქოში BRICS-ი 2006 წელს შეიქმნა. თავდაპირველად მასში შედიოდნენ ბრაზილია, რუსეთი, ინდოეთი, ჩინეთი და სამხრეთი აფრიკა. 2024 წლის იანვარში ორგანიზაციას შეუერთდნენ ეგვიპტე, ირანი, საუდის არაბეთი, არაბეთის გაერთიანებული საამიროები და ეთიოპია. ივლისის ბოლოს ორგანიზაციაში გაწევრიანების განაცხადი წარადგინა მალაიზიამ. BRICS-ში გაწევრიანების სურვილი გამოხატა აზერბაიჯანის მთავარმა სტრატეგიულმა პარტნიორმა და მოკავშირემ - თურქეთმა. ...