გერმანიის მთავრობის პრესმდივანმა 19 აგვისტოს განაცხადა, რომ გერმანია გააგრძელებს უკრაინისთვის საჭირო დახმარების მიწოდებას, რათა მხარი დაუჭიროს მის ტერიტორიაზე შეჭრილი რუსეთის ძალების მოგერიებაში - მიუხედავად გეგმებისა, 2025 წელს განახევრდეს კიევის დახმარების ბიუჯეტი. "გავრცელებული ინფორმაცია, რომელიც გულისხმობს, რომ ჩვენ დახმარებას ვამცირებთ, უბრალოდ არაზუსტია", - უთხრა ჟურნალისტებს მთავრობის პრესმდივანმა ვოლფგანგ ბიუხნერმა და დასძინა, რომ გერმანია "სრულად უერთგულებს" პირობას, დაეხმაროს უკრაინას მანამ, სანამ ამის საჭიროება იქნება. მომავალი წლის ბიუჯეტის პროექტის ბოლო ვერსია ითვალისწინებს 4 მილიარდ ევროს უკრაინისთვის, მაშინ, როცა 2024 წელს ეს თანხა 8 მილიარდამდე ევროს შეადგენდა. ასევე ნახეთ გერმანია აღარ გამოყოფს დამატებით სახსრებს უკრაინის დასახმარებლად ...