უკრაინის შეიარაღებული ძალების მთავარსარდალმა ოლექსანდრ სირსკიმ დღეს, 14 აგვისტოს, გამოაცხადა, რომ რუსეთის ქვედანაყოფები გაანადგურეს კურსკის ოლქის ქალაქ სუჯაში. გენერალ-პოლკოვნიკმა სირსკიმ პრეზიდენტ ვოლოდიმირ ზელენსკის აცნობა, რომ სუჯაში „დასრულებულია მოწინააღმდეგის ძებნა და განადგურება”. მთავარსარდლის თანახმად, 14 აგვისტოს დადგომიდან უკრაინელმა სამხედროებმა კურსკის ოლქში 100-ზე მეტი რუსი სამხედრო დაატყვევეს და ცალკეული მიმართულებებით წინ წაიწიეს 1-2 კილომეტრით. რუსეთის თავდაცვის სამინისტროს სუჯაზე კონტროლის დაკარგვის შესახებ არაფერი უთქვამს. უკრაინის თავდაცვის ძალების სპეციალური დანიშნულების რაზმმა BRAVO Team-მა სოციალური ქსელებით ჯერ კიდევ 12 აგვისტოს გაავრცელა ინფორმაცია, რომ უკრაინელებმა სუჯაზე კონტროლი დაამყარეს. ასევე ნახეთ WSJ: კურსკის გამო რუსეთს უკრაინიდან გაჰყავს ჯარის ნაწილი უკრაინის შეიარაღებული ძალების ქვედანაყოფებმა რუსეთის ტერიტორიაზე, უკრაინის სუმის ოლქთან მოსაზღვრე კურსკის ოლქში, სახმელეთო ოპერაცია 6 აგვისტოს დაიწყეს. უკრაინის არმიის მთავარსარდალმა ოლექსანდრ სირსკიმ 13 აგვისტოს განაცხადა, რომ კურსკის ოლქში აკონტროლებენ 74 დასახლებულ პუნქტს. რუსეთის თავდაცვის სამინისტრო აცხადებს, რომ მოწინააღმდეგის წინსვლა შეჩერებულია და მას დიდი დანაკარგი აქვს, თუმცა დამოუკიდებელი წყაროები ამას არ ადასტურებენ. ასევე ნახეთ კიევი: ჩვენ არ გვჭირდება რუსეთის ტერიტორია, ოპერაციის მიზანია უკრაინელთა დაცვა ...