უკრაინის შეიარაღებული ძალების მთავარსარდალმა ოლექსანდრ სირსკიმ პრეზიდენტ ვოლოდიმირ ზელენსკის მოახსენა, რომ უკრაინა რუსეთის კურსკის ოლქში 74 დასახლებულ პუნქტს აკონტროლებს. ამის შესახებ ზელენსკიმ დაწერა თავის ოფიციალურ არხში ტელეგრამზე. მან გამოაქვეყნა სირსკისთან ვიდეოჩართვისას საუბარი, რომლის დროსაც მთავარსარდალმა მას ანგარიში ჩააბარა ფრონტზე არსებული ვითარებისა და კურსკის ოლქში უკრაინის ჯარების წინსვლის შესახებ. „მიუხედავად რთული, ინტენსიური ბრძოლებისა, კურსკის ოლქში ჩვენი ძალების წინსვლა გრძელდება, ჩვენი სახელმწიფოსთვის ივსება გადასაცვლელი ფონდი,“ დაწერა ზელენსკიმ და უკრაინის სამხედროებს მადლობა გადაუხადა გმირული სამსახურისთვის. ასევე ნახეთ ზელენსკი აღიარებს კურსკში შეჭრას, ამბობს, რომ რუსეთი იძულებული უნდა გახდეს დათანხმდეს მშვიდობას უკრაინის პრეზიდენტის თქმით, კურსკის ოლქის იმ 74 დასახლებულ პუნქტში, რომლებიც უკრაინის კონტროლქვეშაა, მიმდინარეობს შემოწმება და სტაბილიზაციის ღონისძიებები. ამ ტერიტორიებისთვის გრძელდება ჰუმანიტარულ გადაწყვეტილებებზე მუშაობა, დასძინა ზელენსკიმ. ...