ცესკოს ინფორმაციით, 12 აგვისტოდან საარჩევნო ადმინისტრაციის მოხელეთა სერტიფიცირების გამოცდები დაიწყება. საგამოცდო ცენტრები საქართველოს 11 მუნიციპალიტეტში ფუნქციონირებს. საარჩევნო ადმინისტრაციის მოხელეთა სერტიფიცირების გამოცდის ჩაბარების სურვილი, რეგისტრაციის შედეგების მიხედვით, 796-მა ადამიანმა გამოთქვა. ასევე ნახეთ 1990-2020: როგორ იცვლებოდა საქართველოს პარლამენტი სწავლების ცენტრის მიერ მომზადებული საგამოცდო ტესტები მიზნად ისახავს საქართველოს მოქალაქის საარჩევნო კანონმდებლობის ცოდნის დადგენას. სერტიფიცირების გამოცდა ტარდება ელექტრონული ტესტირების მეთოდით. გამოცდის ხანგრძლივობა 1 საათია. სერტიფიკატის მოქმედების ვადა განისაზღვრება გამოცდის ჩაბარებიდან ხუთი წლის ვადით. სასერტიფიკაციო გამოცდების ჩატარებას სსიპ საარჩევნო სისტემების განვითარების, რეფორმებისა და სწავლების ცენტრი უზრუნველყოფს. ...