ისრაელმა პირობა დადო, რომ გაანადგურებს იაჰიუ სინვარს - პალესტინელთა დაჯგუფება ჰამასის (აშშ-სა და ევროკავშირში აღიარებულია ტერორისტულ დაჯგუფებად) ახალ მეთაურს. სინვარს მიიჩნევენ შარშან, 7 ოქტომბერს, ისრაელზე განხორციელებული თავდასხმის ორგანიზატორად. ამ თავდასხმას, რომელმაც 1200 ადამიანი იმსხვერპლა, მოჰყვა პალესტინელთა ტერიტორიაზე, ღაზის სექტორში, ისრაელის საპასუხო ომი, რომელიც 11 თვეა გრძელდება და რომლის განმავლობაშიც 39 ათასი ადამიანი დაიღუპა. ისრაელის არმიის მეთაურმა, გენერალ-ლეიტენანტმა ჰერცი ჰალევიმ პირობა დადო, რომ „იპოვის მას [სინვარს], დაარტყამს“ და აიძულებს ჰამასს, ახალი მეთაური მოძებნოს. 7 აგვისტოს სამხედრო ბაზაზე გამოსვლისას, ისრაელის პრემიერ-მინისტრმა ბენიამინ ნეთანიაჰუმ თქვა, რომ „სრულად გადაწყვეტილი“ აქვს, თავი დაიცვას. ასევე ნახეთ ისრაელის არმიამ განაცხადა, რომ ლიკვიდირებულია ჰამასის და ჰეზბოლას კიდევ ორი მეთაური ...