რუსეთმა არქტიკაში, წყნარ ოკეანესა და ბალტიის და კასპიის ზღვებში დაიწყო სამხედრო-საზღვაო ფლოტის წვრთნები. თავდაცვის სამინისტროს მიერ დღეს, 30 ივლისს, გამოქვეყნებული ინფორმაციით, გეგმურ სწავლებაში ჩართულია 300-მდე გემი, კატერი და წყალქვეშა ნავი, 50-მდე საფრენი აპარატი, 200 ერთეულზე მეტი სამხედრო და სპეციალური ტექნიკა და 20 000-ზე მეტი სამხედრო მოსამსახურე და სამოქალაქო პერსონალის წარმომადგენელი. რუსეთის თავდაცვის სამინისტროს თანახმად, წვრთნები მოიცავს სარაკეტო და საარტილერიო სროლას და პირობითი საზღვაო და საჰაერო სამიზნეების განადგურებას. სწავლებაში არ მონაწილეობს უკრაინის წინააღმდეგ ომში ჩართული შავი ზღვის ფლოტი, რომელმაც ბოლო ორი წლის განმავლობაში მნიშვნელოვანი დანაკარგები განიცადა. ასევე ნახეთ როგორ იქცა ყირიმი რუსეთის შავი ზღვის ფლოტის "სასაფლაოდ" ...