შემთხვევა თბილისში, ყაზბეგისა და ასათიანის ქუჩის კვეთასთან 19 ივლისს, დაახლოებით 04:35 საათზე მოხდა. ამ დროისთვის არსებული ინფორმაციით, 19 წლის რევი დემეტრაშვილი გადაჭარბებული სიჩქარით მართავდა მოტოციკლს, საპატრულო პოლიციის თანამშრომლებს კი მისი შეჩერება სურდათ. პოლიციის მოთხოვნას ბაიკერი არ დაემორჩილა და გააგრძელა გადაადგილება ალექსანდრე ყაზბეგის გამზირის მიმართულებით. სწორედ ამ დროს დაეჯახა ის საპატრულო პოლიციის მანქანას, რომელსაც პოლიციელი საგზაო მოძრაობის წესების დარღვევით მართავდა. ასევე ნახეთ დაიღუპა ბაიკერი პატრულის მანქანასთან შეჯახების შედეგად შემთხვევის ერთ-ერთი თვითმხილველია გიორგი მოდებაძე, რომელმაც მოტოციკლის საპატრულო პოლიციის მანქანაზე შეჯახების შემდეგ ვიდეოგადაღება დაიწყო. ის პოლიციამ ადმინისტრაციული წესით, მათი მოთხოვნის დაუმორჩილებლობისთვის დააკავა. მის მიერ გადაღებულ კადრებში ჩანს, რომ ის შემთხვევის ადგილთან ახლოს, რამდენიმე მეტრის მოშორებით დგას. ამ დროს მას პოლიციელები უახლოვდებიან და მოულოდნელად წყდება ვიდეოგადაღება. შესაბამისად, არ არსებობს გიორგი მოდებაძესა და პოლიციელებს შორის კომუნიკაციის ამსახველი კადრები. როგორც წესი, ავტოსაგზაო შემთხვევებს შინაგან საქმეთა სამინისტრო იძიებს. ამ შემთხვევაში კი გამოძიება დაიწყო საქართველოს პროკურატურამ, რაც მიანიშნებდა, რომ საქმეში იკვეთებოდა პოლიციელის ბრალეულობის საკითხი. საქმე აღძრულია სისხლის სამართლის კოდექსის 276-ე მუხლის მე-6 ნაწილით. ...