"დაშოშმინების მისია" - "Appeasement Mission-ი” უწოდა ევროკომისიის პრეზიდენტმა ურზულა ფონ დერ ლაიენმა რუსეთში ვიქტორ ორბანის ვიზიტს. ევროპარლამენტის მიერ ევროკომისიის პრეზიდენტის პოსტზე მისი კანდიდატურისთვის კენჭისყრის წინ, ფონ დერ ლაიენი სიტყვით გამოვიდა. 18 ივნისს მან გააკრიტიკა ევროკავშირის მორიგე თავმჯდომარე ქვეყნის - უნგრეთის - პრემიერ-მინისტრის, ვიქტორ ორბანის არასანქცირებული დიპლომატიური მისია რუსეთში უკრაინაში ომის დასრულების გზებზე მოსალაპარაკებლად და მას „დაშოშმინების მისია უწოდა“. ფონ დერ ლაიენმა ევროპარლამენტში გამოსვლისას 18 ივლისს თქვა, რომ „ეს ეგრეთ წოდებული სამშვიდობო მისია სხვა არაფერი იყო, თუ არა დაშოშმინების მისია, ეს იყო ნამდვილი დაშოშმინების მისია“ და მკაცრად გააკრიტიკა ორბანი. „რუსეთი მოელის, რომ ევროპა და დასავლეთი მორბილდებიან და ამაში ზოგიერთი ევროპელი მას ჩაჰყვა“, - განაცხადა ევროკომისიის პრეზიდენტმა. ვიქტორ ორბანის მიერ მოსკოვსა და პეკინში გამართული მოლაპარაკებების შემდეგ, ევროკომისიამ ბოიკოტი გამოუცხადა უნგრეთის ექვსთვიან თავმჯდომარეობას. ურზულა ფონ დერ ლაიენმა გააუქმა უნგრეთში ევროკომისრების ვიზიტი. ისინი მონაწილეობას არც ევროკავშირის საბჭოს არაფორმალურ სხდომებში არ მიიღებენ. ასევე ნახეთ ორბანს ისევ შეახსენეს, რომ ევროკავშირის სახელით „სამშვიდობო მისიის“ მანდატი არ აქვს ...