რუსეთის ბირთვული ენერგიის კომპანია "როსენერგოატომი" აცხადებს, რომ როსტოვის ბირთვული ენერგოსადგურის განყოფილების გამორთვა - რასაც სამხრეთ რუსეთში და ოკუპირებული ყირიმის არეალებში ელექტროენერგიის მიწოდების წყვეტა მოჰყვა - "ცრუ განგაშის" გამო მოხდა. რუსეთის სამხრეთში და ყირიმში ელექტროენერგიის მიწოდება 16 ივლისს შეწყდა, მას მერე, რაც განყოფილება სასწრაფო წესით გამოირთო - "როსენერგოატომის" განცხადებით, ეს მოხდა "დამცავი მექანიზმის ამუშავების" შემდეგ. კომპანია არ აკონკრეტებს, რამ გამოიწვია დამცავი მექანიზმის მოქმედებაში მოყვანა. ელექტროენერგიის გათიშვა შეეხო კრასნოდარს, დონის როსტოვს, ტაგანროგს, ანაპას, ნოვოროსიისკს, სტავროპოლს და სხვა ქალაქებს. "ნოვაია გაზეტა" იუწყება, რომ ელექტროენერგიის გარეშე 1 მილიონამდე ადამიანი დარჩა. ასევე ნახეთ უკრაინაში ელექტროენერგიის დეფიციტია ...