აშშ-ის პრეზიდენტი ჯო ბაიდენი 5 ივნისს ჩავიდა საფრანგეთში, რათა მონაწილეობა მიიღოს ნორმანდიაში მოკავშირეთა ჯარების გადასხმის დღის (D-Day) მე-80 წლისთავის აღსანიშნავ ღონისძიებებში. გავრცელებული მოლოდინით, თავის გამოსვლაში ბაიდენი ხაზს გაუსვამს ერთგულებას აშშ-ის ევროპელი მოკავშირეების მიმართ, და დემოკრატიის თავისეულ ხედვას დაუპირისპირებს პოლიტიკური მეტოქის, დონალდ ტრამპის შეხედულებებს. ბაიდენი საფრანგეთში ხუთ დღეს დაყოფს - დაესწრება ნორმანდიაში დაგეგმილ საიუბილეო ღონისძიებებს, გამოვა სიტყვით და ოფიციალურ სახელმწიფო შეხვედრას გამართავს საფრანგეთის პრეზიდენტ ემანუელ მაკრონთან. 1944 წლის 6 ივნისს მოკავშირეთა ჯარებმა შეუტიეს ნორმანდიის სანაპიროებს საფრანგეთის ჩრდილოეთში. ამ ოპერაციას დასავლეთში D-Day-ს სახელით იცნობენ. ისტორიაში ამ ყველაზე მასშტაბურ საზღვაო იერიშში, რომელმაც გარდატეხა შეიტანა მეორე მსოფლიო ომის მსვლელობაში ნაცისტური გერმანიის დასამარცხებლად, 150 ათასზე მეტი სამხედრო მონაწილეობდა. Photo Gallery: 1944 წელს მოკავშირეთა გადასხდომა ნორმანდიაში 75 წლის წინ, 1944 წლის 6 ივნისს, მოკავშირეთა ჯარები გადასხდნენ ჩრდილოეთ საფრანგეთში, ნორმანდიაში. ეს იყო ზღვიდან ხმელეთზე ჯარების გადასხმის ყველაზე ფართო მასშტაბის ოპერაცია ისტორიაში. Facebook-ზე გაზიარება Twitter-ზე გაზიარება Share on Telegram გაუგზავნეთ მეგობარს ...